රුසියාව විසින් මේ වනවිට කොරෝනා වයිරසය මර්දනය කිරීමට නිපදවා ඇති එන්නත ලංකාවට ලබා දීමට සූදානම් බව රුසියානු රජය දැනුම් දී ඇත.
ශ්රී ලංකාවේ රුසියානු තානාපති යූරි බී. මැටෙරේ මහතා විසින් විදේශ අමාත්ය දිනේෂ් ගුණවර්ධන මහතා වෙත මෙම දැනුම් දීම කර තිබේ.
එහිදී රුසියානු තානාපතිවරයා දැනුම් දී ඇත්තේ ලංකා රජයෙන් දැනුම් දීමක් කළහොත් තම රට එම එන්නත ලබා දීමට සූදානම් බවකි.
මේ සම්බන්ධයෙන් ලංකාවේ සෞඛ්ය අංශ සමග සාකච්ජා කොට ඉදිරි පියවර ගැනීමට විදේශ අමාත්යංශය සූදානමින් සිටින බවද දැනගන්නට ඇත.
පළමු වරට කොරෝනා එන්නතක් සාර්ථකව නිපදවා අත්හදා බලනු ලැබුවේ රුසියාවය.
එම එන්නත සිය දියණියට පවා ලබා දීමට රුසියානු ජනාධිපති ව්ලැදිමීර් පුටින් පියවර ගෙන තිබිණ.
