වහාම පළාත් සභා මැතිවරණය පවත්වන ලෙසට ඉන්දියාව ආණ්ඩුවට බලකර සිටින බව ඉන්දියාව ජිනීවා මානව හිමිකම් කොමිසමේදී අවධාරණය කොට ඇත.
ජිනීවා මානව හිමිකම් කොමිසමේ ඉන්දීය නිත්ය නියෝජිතයා වන ඉන්ද්රමනී පාණ්ඩේ මහතා ලංකාව සම්බන්ධයෙන් වාර්තාවක් ඉදිරිපත් කරමින් මේ බව පෙන්වා දී ඇත.
ලංකාව දෙමළ ජාතිකයන්ගේ ඉල්ලීම්වලට සවන් දිය යුතු බවත්, එක්සත් ශ්රී ලංකාවක් තුළ දෙමළ ජනතාවට දේශපාලන විසදුමක් ලබා දීමට කටයුතු කළ යුතු බවත් ඒ මහතා එහිදී පෙන්වා දී තිබේ.
එමෙන්ම 13 වන සංශෝධනය සම්පූර්ණයෙන්ම ක්රියාත්මක කිරීමට ආණ්ඩුව පියවර ගත යුතු බවද ඒ මහතා සදහන් කොට ඇත.










