පසුගිය සතියේ ශ්රේෂ්ඨාධිකරණය විසින් ලබා දුන් දිසානතිය සමග අපි බලාපොරොත්තු වුණා මේ රටේ මැතිවරණ ක්රියාදාමය සක්රීයව ඉදිරියට යනව කියලා. ඒ අදහසින් අපි වැඩ කරමින් යනවා. හැබැයි අපිට පෙනී යනවා තව දුරටත් රජයේ කණ්ඩායම, ජනාධිපතිතුමාගේ පාර්ශවය හා කැබිනට් මණ්ඩලය සිටින ප්රධාන පක්ෂ කණ්ඩායම් අලි- පොහොට්ටු දේශපාලන යාන්ත්රණය මෙම මැතිවරණයට අතිශයින්ම බියජනක ලෙස මැදිහත් වෙනවා. මැතිවරණය පේන මානේ තියාගෙන එයට එරෙහිවීම එයාලා බිය වීමේ ක්රියාදාමය වෙනවා. මැතිවරණය සදහා අනෙකුත් කණ්ඩායම් සමග ජනතාව එකතු වන අතර මේ අලි-පොහොට්ටු කණ්ඩායම තමන්ට ජනමතයක් නැති බව පැහැදිලි වන බියෙන් බරපතළ ලෙස මෙම මැතිවරණයට අකුල් හෙලනවා…’ යැයි නිදහස ජනතා සන්ධානයේ සාමාජික මහාචාර්ය චරිත හේරත් මහතා පැවසීය.
කාටහරි තරග කරන්න පුලුවන් මෙම මැතිවරණය පළාත් පාලන මැතිවරණයක් විතරයි කියල…මෙය පළාත් පාලන මැතිවරණයක් උනාට මෙම මැතිවරණය පවත්වන්නෙ වැදගත් තීරණාත්මක කාලයකයි.. අවුරුදු දෙකහමාරකට කලින් විශාල ජනමතයක් සමග පැමිණි ජනාධිපතිතුමාව ඉවතලා යන රටක් මේක… එහෙම එලියට ආව ජනමතය මේ වන විටත් රටේ තියෙනවා… පාර්ලිමේන්තු අංක ගණිතයෙන් සාදාගත් අනුප්රාප්තික ජනාධිපතිවරයෙක් විදියට වැඩකරගෙන යන කාලෙක දේශපාලනමය වශයෙන් මේ රටේ ජන මතය සම්බන්ධ විකෘතියක් ඇත…
කොවිඩ් 19 උවදුර ආවෙලාවෙ චන්දයට වඩා අපිට මිනිස්සු ප්රමුඛ උනා… හැබැයි එවෙලෙ ජනමතය සහිත ආණ්ඩුවක් තිබුණා…නමුත් දැන් ජනමතය නොමැති විකෘති සහගත අනුප්රාප්තික ජනාධිපති කෙනෙක් ඉන්න වෙලාවක ජනමතය සම්බන්ධව උරගා බැලීමක් කල් දැමීම කියන්නේ අතිශයින්ම බියකරු බරපතළ දෙයක් යැයි ඒ මහතා කීය.
