නැව් දෙකක් ආවා! කංචන ට්විටර් එකකින් රටටම කියයි!

දැවි තෙල් සහ පෙට්‍රල් තොගයක් රැගත් නෞකා දෙකක් ඊයේ (ජූලි 21) මෙරටට පැමිණ තිබේ.

විදුලි බල හා බලශක්ති අමාත්‍ය කංචන විජේසේකර ට්විටර් පණිවිඩයක් නිකුත් කරමින් ඒ බව සඳහන් කර ඇත.

ඒ අනුව, අදාළ ඉන්ධන ගුණාත්මකභාවය පරීක්ෂා කිරීමෙන් අනතුරුව ගොඩබෑමේ කටයුතු ආරම්භ කර බව ඔහු එහි සඳහන් කර තිබේ.

මෙම ඉන්ධන තොගයට අයත් දැවි තෙල් තොගය බලශක්ති උත්පාදන කටයුතුවලට හා කර්මාන්ත ශාලාවලට මුදා හැරීමට නියමිත ය.

එමෙන් ම, අදාළ ට්විටර් පණිවිඩයේ අමාත්‍යවරයා සඳහන් කර ඇත්තේ, ඉන්ධන ලබා ගැනීම සඳහා වන අංක තහඩු ක්‍රමය සහ කෝටා ක්‍රමය බලාත්මකව පවතින බව ත්, ජාතික ඉන්ධන බලපත්‍රය වෙනුවෙන් වන QR කේත පරීක්ෂාව සහ ලියාපදිංචිය දිගට ම සිදු කරමින් පවතින බව ත් ය.

1 Heavy Fuel Oil Cargo & another Petrol Cargo arrived Yesterday. Will commence discharging once the quality sampling is concluded. HFO to be used for power generation & industries. Last Digit Of Number Plate & Fuel Quotas enforced. FuelPass QR testing & registration continues.

— Kanchana Wijesekera (@kanchana_wij) July 22, 2022