රාජ්ය පරිපාලන අමාත්යංශය මගින් ඡන්ද විමසීම සම්බන්ධයෙන් මාර්ගෝපදේශ නිකුත් කොට තිබියදී ඊට පරිබාහිර අයුරින් අද දින කොළඹ නගර සභාව තුළ කටයුතු කිරීම සම්බන්ධයෙන් පළාත් පාලන කොමසාරිස්වරිය වන සාරංගිකා ජයසුන්දර මහත්මියට එරෙහිව නීතිමය ක්රියාමාර්ග ගැනීමට සමගි ජන බලවේගය තීරණය කොට ඇත.Sri Lanka Latest News
කොළඹ නගර සභාවේ තනතුරු තෝරා පත්කර ගැනීමෙන් අනතුරුව අද සවස විපක්ෂනායක කාර්යාලයේ සජිත් ප්රේමදාස මහතාගේ ප්රධානත්වයෙන් පැවැති විශේෂ සාකච්ඡාවකදී එම පක්ෂය මෙම තීන්දුව ගෙන තිබේ.
මෙම සාකච්ඡාවට පක්ෂයේ ජ්යෙෂ්ඨයන් සමග ජනාධිපති නීතිඥවරුන් රැසක් එක්ව සිට ඇත.
එහිදී නීති උපදෙස් ලැබී ඇත්තේ පළාත් පාලන කොමසාරිස්වරිය නියමිත මාර්ගෝපදේශ අනුගමනය නොකරමින් රහස් ඡන්දයකට යාමට තීරණය කොට ඇති බවත්, ඒ අනුව ඇයට එරෙහිව අධිකරණමය ක්රියාමාර්ගයන්ට යොමුවිය හැකි බවත්ය.
ඒ අනුව ඉදිරි දින කිහිපය ඇතුළත මෙම නඩු පැවරීම සිදුකිරීමට තීරණය වී ඇති බව දැනගන්නට තිබේ.
එමෙන්ම ඊට විපක්ෂයේ අනෙකුත් පක්ෂ සම්බන්ධ කර ගැනීම සම්බන්ධයෙන් සාකච්ඡා කිරීමටද එහිදී තීරණය වී ඇති බවද වාර්තා වේ.
