රුපියල් කෝටි 22ක් වටිනා රත්තරන් කිලෝ ග්රෑම් 17ක් කටුනායක බණ්ඩාරනායක ජාත්යන්තර ගුවන් තොටුපළෙන් රැගෙන යෑමට තැත්කළ පුද්ගලයෙකු අත්අඩංගුවට ගෙන ඇත.
සැකකරු ගුවන්තොටුපල පිරිසුදු කිරීමේ සමාගමක සුපරීක්ෂකවරයෙකු ලෙස කටයුතු කර ඇති බව මූළික පරීක්ෂණයේඳී හෙලි වී තිබේ.
අත්අඩංගුවට ගත් සැකකරු මීගමුව ප්රදේශයේ පදිංචි 37 හැවිරිදි පුද්ගලයෙකි.
රේගු මත්ද්රව්ය පාලන අංශයේ නිලධාරීන් විසින් මේ පිළිබඳව වැඩිදුර විමර්ශන කටයුතු ආරම්භ කර ඇත.










