තම දෙමාපියන්ට සලකා ගෙන තම අනාගත බලාපොරොත්තු ඉටු කර ගැනීමට සුදුසු රැකියාවක් සොයා ගැනීමට නොහැකි වු බව පවසා අකුරැස්ස පරදුව පදිංචි 29 හැවිරිදි තරුණයෙකු ගෙල වැලලා ගෙන සිය දිවි හානි කර ගැනීමේ පුවතක් වාර්තා වේ.
එසේ දැඩි සිත් තැවුලට පත්ව දිවි හානි කර ගෙන ඇත්තේ කොරියාවේ රැකියාවකට යාමට අපේක්ෂාවෙන් සිටි කසුන් ජයසිංහ (29) නැමැති අවිවාහක තරුණයෙකි.
කොරියානු භාෂා ප්රවීණතා විභාගයට ද පෙනී සිට ඇති ඔහු ඉන් සමත් වීමට ලකුණු තුන හතරක් මදි වීම මත එම බලාපොරොත්තුව ද අත් හැර දමා ගෙන සිටි බව කියති.
පසුව ඔහු තම දෙමාපියන්ට සලකා ගෙන ජීවත් වීම සදහා සුදුසු රැකියාවක් සොයා ගැනීමට නොහැකි වු බවට ලිපියක් ලියා තබා දිවි හානි කර ගෙන තිබේ.
කෙසේ වෙතත් ඔහු ඊට පෙර ඔහු දින කිහිපයක් කුලී වැඩට ද ගොස් තිබෙන බව දැන ගන්නට ඇත.
අකුරැස්ස පොලීසිය මේ පිළිබඳව වැඩිදුර පරීක්ෂණ මෙහෙයවති.
