කොළඹ කොටස් වෙළෙඳපොළ සියලු කොටස් මිල දර්ශකය ඒකක 151.80 ක දැඩි පසුබෑමක් වාර්තා කරන ලදී.
S&P SL 20 දර්ශකය ද ඒකක 46.37 කින් දිනය තුළ දී පහළ යන ලදී.
මේ අනුව දිනයේ ගනුදෙනු අවසානයේ දී සියලු කොටස් මිල දර්ශක අගය ඒකක 8,638.92 ක් ලෙසත්, S&P SL 20 දර්ශකය ඒකක 2,648.99 ක් ලෙසත් වාර්තා විය.
ඊයේ දින ගනුදෙනු පිරිවැටුම රු. බිලියන 2.25 කි.
පෙරේදා (13) දිනයේ දී සියලු කොටස් මිල දර්ශකය ඒකක 147.76කින් පහළ ගොස් තිබුණි.
ඊයේ දින ගනුදෙනු අවසානයෙ දී සමස්ත වෙළෙඳපොළ ප්රාග්ධනීකරණය රු. බිලියන 3,830.35 ක් ලෙසින් සටහන් විය. පසුගිය සිකුරාදා (10) දිනය අවසානයේ දී මෙම අගය වාර්තා වූයේ රු. බිලියන 3,969.86 ක් ලෙසිනි.
මේ අනුව ඊයේ සහ පෙරේදා දෙදින තුළ දී පමණක් කොටස් වෙළෙඳපොළ ප්රාග්ධනීකරණය රු. බිලියන 139.50 කින් අඩු වී ඇත.
එනම් දින දෙකක් තුළ දී රු. කෝටි 13,950 ක් කොටස් වෙළෙඳපොළට අහිමි වී ඇති බවයි.
