සෞඛ්ය ක්ෂේත්රයේ වෘත්තිකයන් මුහුණ දෙන ගැටලු රැසක් විපක්ෂ නායක සජිත් ප්රේමදාස මහතා විසින් පාර්ලිමේන්තුවට ඉදිරිපත් කළේය. ඒ රෝග නිවාරණ හා රෝග ප්රතිකාර ක්ෂේත්රය සම්බන්ධයෙන් අද පාර්ලිමේන්තුවේ අදහස් දක්වමිනි.Sri Lanka Latest News
වෛද්ය වෘත්තියේ බුද්ධි ගලනය නැවැත්වීම රජයේ වගකීමක්
සෞඛ්ය ක්ෂේත්රයේ සංවර්ධනය මෙන්ම එම ක්ෂේත්රයේ වෘත්තිකයන් ද රදවා ගත යුතු බවත් එහි දී බරපතල ගැටලු රැසක් ඇති බවත් වෛද්ය නිලධාරීන්ගේ සංගමයට අනුව සියලුම කාණ්ඩවල වෛද්යවරුන්ගේ අමතර රාජකාරී දීමනා සදහා පැයකට ගෙවන අගය 1/80 සිට 1/120 දක්වා අඩු කර ඇති බවත් නිවාඩු දින සහ ඉරිදා දින රාජකාරී කිරීමේ දීමනාව 1/20 සිට 1/30 දක්වා අඩු කර ඇති බවත් ඊට අමතරව වෛද්යවරුන්ගේ බාධා කිරීමේ රැදී සීටීමේ හා ප්රවාහන දීමනාව, වාහන බලපත්ර ගැටලු, සීමාවාසික වෛද්යවරුන්ගේ දීමනා, පශ්චාත් උපාධි අධ්යාපනයේ නිතර වන අයට ලබා දෙන දීමනා යාවත්කාලීන නොකිරීම නිසා මේ වන විට විශාල පිරිසක් රට අතහැර ගොස් ඇතිබවත් තවත් වෛද්යවරුන් පිරිසක් විදේශ රටවල වෛද්ය සේවයට සුදුසුකම් සපුරා විදේශ ගත වීමට සූදානම් බවත් විපක්ෂ නායක සජිත් ප්රේමදාස මහතා පැවසීය.
හෙදියන්ගේ දීමනා පවා අඩු කරලා
හෙද ක්ෂේත්රයේ වැටුප් හා දීමනා වලද බරපතල ගැටලු ඇති බවත් රජයේ නිවාඩු දින හා සති විවේක දින දීමනාව මූලික වැටුපින් 1/20 සිට 1/30 දක්වා අඩු කර ඇති බවත් සේවා පැයකට ගෙවූ 1/160 දීමනාව 1/200 දක්වා අඩු කර ඇති බවත් මේ ක්ෂේත්රයේ විශේෂිත කාර්යක් හෙද හෙදියන් ඉටු කරන බවත් බරපතල හෙද හිගයක් ඇතිව තිබෙන බවත් මේ අය නිල ඇදුමින්ම ජාතික ජන බලවේගයේ රැස්වීම්වලට පැමිණ සහයෝගය ලබා දුන් අයට මෙවැනි ආකාරයෙන් සැලකීම ගැන නැවත වරක් සිතා බලන ලෙසත් විපක්ෂ නායකවරයා පැවසීය.
සම සෞඛ්ය විද්යා උපාධිධාරීන්ගේ ද ගැටලු රැසක් පවතිනවා
එමෙන්ම සම සෞඛ්ය විද්යා උපාධිධාරීන්ගේ ද ගැටලු රාශියක් ඇති බවත් නිදහස් අධ්යාපනයේ උපාධිධාරීන් විශාල පිරිසක් රැකියා විරහිතව මේ ක්ෂේත්රයේ සිටින නිසා මේ අයට රැකියා ලබා දී නව බදවා ගැනීම් සිදු කරන ලෙසත් ඉල්ලා සිටි විපක්ෂ නායකවරයා මෙහි දී ආයුර්වේද උපාධිධාරී ගැටලුව ගැන ද අවධානය යොමු කරමින් කියා සිටියේ ආයුර්වේද උපාධිධාරීන් 1800කට ආසන්න සංඛ්යාවක් රැකියා විරහිත ව සිටින බවය. වාර්ෂිකව 200ක් පමණ සීමා වාසික පුහුණුව නිමකර එළියට එන මොහොතක දේශීය වෛද්ය ක්ෂේත්රයේ පුරප්පාඩු 600ක් පමණ ඇති නිසා මේ ගැනත් සොයා බලන ලෙස විපක්ෂ නායකවරයා මෙහි දී පැවසීය.
ආයුර්වේද වෛද්යවරුන්ගේ ගැටලුවලට විසදුම් දෙන්න
2023 අංක 19 දරන සංශෝධිත ආයුර්වේද පනතේ සංශෝධන මගින් ආයුර්වේද ක්ෂේත්රයට බලපෑම් ඇතිව තිබෙන බවත් දේශීය ඖෂධ වගාකිරීම සකස් කිරීම විකිනීම බෙදාහැරීම සංයෝජනයේ නිරත වී සිටින ව්යවසායකයන් කර්මාන්තකරුවන් අලෙවිසැල් හිමියන් බරපතල ගැටලුවලට මුහුණ දී ඇති බවත් මේ නිසා රෝගී ප්රජාව ද අපහසුතාවට පත්ව ඇති නිසා මේ ගැටලුවලට විසදුම් ලබා දෙන ලෙසත් විපක්ෂ නායකවරයා තවදුරටත් පැවසීය.
ඩෙංගු මර්දන නිලධාරීන්ගේ සේවාව ස්ථිර කරන්න
ඩෙංගු මර්දන සහායක නිලධාරීන්ගේ ද ගැටලු ඇති බවත් රු. 22000ක වැටුප් තලයක 1200ක් පමණ සේවයේ නිරත වන බවත් මේ අයගේ සේවා ස්ථිර කරන්න මැදිහත් වන ලෙසත් විපක්ෂ නායකවරයා අවධානය යොමු කළේය.
රෝහල් කණිෂ්ඨ කාර්ය මණ්ඩලයේ ගැටලු ගැනත් බලන්න
තවද රෝහල් කණිෂ්ඨ කාර්ය මණ්ඩල විශාල සේවාවක් ඉටු කළත් ඔවුන්ට අතිකාල දීමනා නොමැති නිසා අතිකාල දීමනා දෙන ලෙසත් පවුල් සෞඛ්ය සේවා නිලධාරීන්ට ගමන් වියදම් ලෙස කිලෝමීටරයට රුපියල් 2ක් දෙන බවත් පහසුකම් අඩු වීමත් පුරප්පාඩු තිබුණත් 937ක් පත්වීම් අපේක්ෂාවෙන් සිටින බවත් තවත් 1200ක් පුහුණුව ලබන බැවින් රෝග නිවාරණ ක්ෂේත්රයේ වැදගත්කම හදුනාගෙන මේ අයගේ ගැටලුවලට විසදුම් දෙන ලෙසත් විපක්ෂ නායකවරයා ඉල්ලා සිටියේය.
සෞඛ්ය හා අධ්යාපනය යනු මානව අයිතියකි
සෞඛ්ය හා අධ්යාපනය යනු මානව අයිතියක් බවත් ආණ්ඩුක්රම ව්යවස්ථාවේ මානව අයිතිවාසිකම් වන්නේ සිවිල් හා දේශපාලන අයිතිවාසිකම් බවත් ඊට අමතරව ආර්ථික සමාජීය ආගමික සංස්කෘතික සෞඛ්ය අධ්යාපනය වැනි අනෙකුත් ක්ෂේත්ර ද මානව අයිතිවාසිකම් බවත් එම නිසා සෞඛ්ය ක්ෂේත්රය ද මානව අයිතියක් බවට පත් කරන ලෙස ඉල්ලා සිටින බවත් ඒ සදහා විපක්ෂයේ පූර්ණ සහයෝගය ලබා දෙන බවත් විපක්ෂ නායකවරයා පැවසීය.
