හිටපු එල්.ටී.ටී.ඊ නායකයකු වන කරුණා අම්මාන් විසින් තමන් ඝාතනය කිරීමේ උත්සාහයක් පැවතීම හේතුවෙන් තමන් එංගලන්තයට පළා ආ බව ලංකාවේ හොදම ට්රැෆික් නිලධාරියා ලෙස සම්මාන දිනා ගත් අජිත් ධර්මපාල මහතා සඳහන් කරයි.
එමෙන්ම මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මියගේ මවගේ වාහන පේලියක් නතර කළේ යැයි තමන්ගෙන් පළි ගත් බවද ඒ මහතා කීය.
එහිදී අදාළ රියැදුරාට වාහන බලපත්රයක් හෝ නොතිබූ බවද ඒ මහතා පෙන්වා දුන්නේය.
එම සිද්ධිය නිසා තමන්ගෙන් පළි ගත් බවත් පැයක් ඇතුළත පොලිස් ස්ථාන 4කට මාරු කළ බවත් පසුව 2008 වසරේ දී නම පවුල පිටින්ම එංගලන්තයට පලා ගිය බවත් හෙතෙම කියා සිටියි.
මේ වනවිට පොලිසිය අන්ත දූෂිත ආයතනයක් වී ඇති බව පෙන්වා දෙන ඒ මහතා සැකකරුවන් කුඩු නඩුවලට පැටලවීම සදහා පොලිසිය ඇතුළේම කුඩු තබාගෙන ඇති බවද කීය.
අන්තර්ජාල නාලිකාවක සාකච්චාවකදී ඔහු මෙම අදහස් පල කර ඇත.
