අද ධීවරයාගේ සිට රටේ සමස්ත ජනතාවම බලවත් පීඩනයකට හසුව ඇති බවත් දරාගත නොහැකි ජීවන වියදමෙන් මුළු රටම පෙළෙන බවත් විපක්ෂ නායක සජිත් ප්රේමදාස මහතා පැවසීය.
ආර්ථික වශයෙන් පසුබෑමට හේතුව කොරොනාව බව ආණ්ඩුව පැවැසුවත් කොරෝනා ව්යාප්තියට ඉඩ දෙමින් මිථ්යාව සමග සෙල්ලම් කලේ ආණ්ඩුව බව ද ඒ මහතා පැවැසීය.
මාතර දෙවිනුවර ආසනයේ සමගි ජන බලවේග කාර්යාලය විවෘත කිරීමේ අවස්ථාවට විපක්ෂ නායකතුමා අද (17) එක්වූ අතර කාර්යාලය විවෘත කිරීමෙන් අනතුරුව ජනහමුවක් ද පැවැත්විණි.
ආණ්ඩුවේ දුර්දාන්ත දුර්දාන්ත පාලනයට එරෙහිව එම ස්ථානයේ විරෝධතාවයක් ද පැවැත්වීමට කටයුතු යොදා තිබිණි.
