සමගි ජන බලවේගය පිරිසිදු බලවේගයක් බවත්,එන එන හැම කෙනාම බාර ගැනීමටත්, කුණුගොඩවල් ගොඩගසා ගැනීමටත් සමගි ජන බලවේගය කිසිවිටකත් කටයුතු නොකරන බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා අද (18) මේ බව පවසා සිටියේ සමගි ජන බලවේගයේ ගම්පහ දිස්ත්රික් ආසන බලමණ්ඩලය අමතමිනි.
ප්රගතිශීලී, රට ගොඩනගන්න කැමති කණ්ඩායම්වලට සමගි ජන බලවේගයේ ඉඩ ඇති බවත්, අවස්ථාවාදී ඩීල්කාර කල්ලි වලට සමගි ජන බලවේගය තුළ ඉඩ නැති බවත් ඒ මහතා පැවසීය.
ඉතාම නුදුරේ දී විදුලි බිල නැවත වැඩි කොට වොට් තිස්තුන්දාහේ කරන්ට් එක ජනතාවට ඇල්ලීමට ආණ්ඩුව කටයුතු කරමින් සිටින බව පැවසූ විපක්ෂ නායකතුමා, එයින් නොනැවතී රටම වෙන්දේසි කරමින් සිටින බවද පැවසීය.
