කොවිඩ් එන්නත කඩිනමින් ශ්රී ලංකාවට ගෙන්වා ගැනීමේ අවශ්යතාව සම්බන්ධයෙන් ජනාධිපති ගෝඨාභය රාජපක්ෂ මහතාගේ ප්රධානත්වයෙන් දෛනිකව රැස්වන කොවිඩ් කමිටුව රැස්වීමේදී අද (22) අවධානය යොමු කර තිබේ.
ඇමරිකාව, එංගලන්තය, චීනය ප්රමුඛ රටවල් කිහිපයක් කොවිඩ් එන්නත් නිපදවා ඇති අතර එම එන්නත් පිළිබඳ සවිස්තර අධ්යයනයකින් පසු අදාළ රටවල් සහ මෙරට සෞඛ්ය බලධාරීන් සමග සාකච්ඡා කොට අවශ්ය ක්රියාමාර්ග සම්බන්ධීකරණය සඳහා ජනාධිපති ප්රධාන උපදේශක ලලිත් වීරතුංග හට බලය පවරා ඇත.
එන්නත ලබාදිය යුතු කණ්ඩායම් අවශ්යතාව සහ ප්රමුඛතාව අනුව තීරණය කෙරේ.
වතු, මහල් නිවාස, නේවාසිකාගාර ඇතුළුව රෝගය පැතිරයාමේ වැඩි අවදානමක් ඇති ස්ථාන සහ කණ්ඩායම් පිළිබඳව දත්ත රැස් කිරීමට ද තීරණය කර ඇත.
