යහපත් ප්රතිසංස්කරණ ක්රියාවලියක් තුළින් රට ගොඩනැගීම උදෙසා ජනාධිපතිවරයා සමග නැවත සාකච්ඡා කිරීමට තමන් සූදානම් බව විපක්ෂ නායක සජිත් ප්රේමදාස මහතා පැවසීය.
වරදාන වරප්රසාද ලබාගන්නවා වෙනුවට ප්රායෝගිකව මැදිහත් වී රට ගොඩනැගීම සිය අරමුණ බව කී විපක්ෂ නායකතුමා රජය ගෙන එන සාධනීය ප්රගතිශීලී යෝජනාවලට සහය දක්වන වැඩපිලිවෙලක් නිර්මාණය කරන බවත්, කිසිවිටකත් ජනතාවගේ සිතුම් පැතුම් පාවා නොදෙන බවද පැවසීය.
ඇමති තනතුරු ලබාගනිමින් තියන ඩොලර් ටිකත් විනාශ කිරීමේ කටයුත්තට තමන් කිසි විටෙකත් දහයක නොවන බව පැවසූ විපක්ෂ නායකතුමා මේ මොහොතේ සෑම ක්ෂේත්රයකින්ම කඩා වැටී ඇති රට ගොඩනැගීමට තනතුරු අවශ්ය නොවන බවද පැවසීය.
ප්රතිසංස්කරණ සඳහා වූ විද්වත් එකමුතුවේ විශේෂ රැස්වීමක් අද (19) කොළඹ විපක්ෂ නායක කාර්යාලයේදී පැවති අතර පවත්නා තත්ත්වයෙන් රට ගොඩනැගීම උදෙසා වූ වැඩපිළිවෙළ පිළිබඳව දීර්ඝ වශයෙන් එහිදී සාකච්ඡාවට ලක් විය.
