කොරෝනා වයිරසය මැඩපැවැත්වීමේදී වත්මන් රජය සෞඛ්ය සේවය, ආරක්ෂක අංශ හා පොලිසිය එක්ව ගෙනගිය වැඩපිළිවෙල ඉතා සාර්ථක බව හිටපු අග්රාමාත්ය රනිල් වික්රමසිංහ මහතා ඉන්දියාවේ WION මාධ්ය ආයතනය හා සම්මුඛ සාකච්ඡාවකට එක්වෙමින් ප්රකාශ කොට තිබේ.
රටේ පවතින ඇඳිරි නීති තත්වයට ජනතාව සහයෝගය දක්වමින් කටයුතු කරන හෙයින් ජර්මනිය, දකුණු කොරියාව මෙම වසංගතය පාලනය කිරීමට භාවිතා කළ ක්රමය වන දිගින් දිගටම පරික්ෂා කටයුතු කිරීම අප රට තුළද ක්රියාත්මක කළ යුතු බව පෙන්වා දුන් වික්රමසිංහ මහතා රජය විසින් ජනවාරි මාසයේදීම කොරෝනා වයිරසය සම්බන්ධයෙන් තොරතුරු වාර්තා වූ වහාම කොරෝනා පරීක්ෂණ කටයුතු කිරීම සඳහා අවශ්ය කරන උපකරණ, කෘත්රිම ස්වසන උපකරණ වැනි දෑ ගෙන්වීමට කටයුතු නොකිරීම අඩුපාඩුවක් බවද කියා සිටියේය.
ලෝකය තුළ පැවති ඕනෑම යුද තත්වයකට වඩා දැන් පවතින තත්වය ඉතාම දරුණු බවත්, ඉන් ලෝක ආර්ථිකයට ඉතාම දරුණු ලෙස පහර වැදී ඇති බවත් එහිදී පෙන්වා දුන් වික්රමසිංහ මහතා ආර්ථිකය හා ජනතාව වෙනුවෙන් පෙනී සිටින ජාත්යන්තර ආයතන අනිවාර්යෙන්ම මේ සඳහා මූලිකත්වය ගෙන කටයුතු කළ යුතු බවද පෙන්වා දුන්නේය.
කොරෝනා වයිරසය ගෝලීය වසංගතයක් හෙයින් ඉන් මිදීමට අනිවාර්යයෙන් ගෝලීය නායකත්වයක් අවශ්ය බවත් සඳහන් කළ වික්රමසිංහ මහතා තවමත් එවැනි නායකත්වයක් ඉදිරිපත් වී නොමැති බවද පැවසීය.
