සෞඛ්ය අමාත්ය පවිත්රා වන්නිආරච්චිගේ අත්සනින් යුතුව කොරෝනා ආසාදිතව මිය යන පුද්ගලයන්ගේ මෘත දේහ භූමදානයට අවසර දෙන ගැසට් නිවේදනය අද (25) දිනයේ නිකුත් කිරීමට නියමිතව ඇත.
අද (25) දිනයේදී ජිනීවා නුවර පැවැති මානව හිමිකම් මණ්ඩල රැස්වීමේදී පාකිස්තාන නියෝජිතයා අදහස් දක්වමින් කොරෝනා සිරුරු භූමදානය සම්බන්ධයෙන් ලංකා ආණ්ඩුව යහපත් ප්රතිචාර දක්වා ඇති බවත්, තමන් ඒ සම්බන්ධයෙන් සුබවාදීව බලා සිටින බවත් දැනුම් දී තිබේ.
කොරෝනා ආසාදිතව මියයන පුද්ගලයින්ගේ මෘතදේහ භූමදානයට අවසර ලබානොදීම සම්බන්ධයෙන් මුස්ලිම් ප්රජාව ඇතුළු පාර්ශව කිහිපයක් ඉකුත් සමයේ විරෝධතාවලද නිරතවූ අතර අග්රාමාත්ය මහින්ද රාජපක්ෂ මහතා ද පාර්ලිමේන්තුවේදී ඉකුත්දා ප්රකාශ කර තිබුණේ කොරෝනා මෘතදේහ භූමදානයට අවසර ලබාදීමට කටයුතු කරන බවකි.
තෝරාගත් ස්ථාන කිහිපයක පමණක් කොරෝනා මෘතදේහ භූමදානය සදහා අවසර ලබාදීමට සෞඛ්ය අංශවල අවධානය යොමුව ඇති බවද වාර්තා වේ.
