පාර්ලිමේන්තුවේ මුදල් කාරක සභාවේ සභාපති ධුරයෙන් ඉවත්වීමට සමගි ජන බලවේගයේ පාර්ලිමේන්තු මන්ත්රී මයන්ත දිසානායක මහතා තීරණය කර තිබේ.
මයන්ත දිසානායක මහතා එම තීරණය පිළිබඳව සමගි ජන බලවේගය මහලේකම් රංජිත් මද්දුම බණ්ඩාර මහතා වෙත ද ලිඛිතව දැනුම් දී ඇත.
මයන්ත දිසානායක මහතා තම තීරණය කතානායක මහින්ද යාපා අබේවර්ධන මහතා වෙත ලිඛිතව දැනුම් දීමෙන් පසු මුදල් කාරක සභා සභාපති ධුරයෙන් නිල වශයෙන් ඉවත් වීමට නියමිතය.
කෙසේවෙතත් ඊළග ප්රශ්නය වන්නේ රාජ්ය මුදල් කාරක සභාවේ නව සභාපතිවරයා තෝරා පත්කර ගැනීමේදී ආණ්ඩුව නැවත වතාවක් විපක්ෂයේ මන්ත්රීවරයකු නම් කළහොත්ය.
සමගි ජන බලවේගය දැනටමත් තීන්දු කොට ඇත්තේ ඊට ආචාර්ය හර්ෂ ද සිල්වා මහතා පත්කරගැනීමටය.
