රටේ ජනතාවගේ නීති ක්ෂේත්රයේ සහ සිවිල් පුරවැසියන්ගේ විරෝධතා මත වර්තමාන රජය ත්රස්තවාදය වැළැක්වීමේ පනත වෙනුවට ත්රස්ත විරෝධී පනතක් ගෙන ඒ්මේ උත්සාහයක නිරත වුවත් ජනතා විරෝධය හමුවේ එය හකුලා ගැනීමේ තීරණයක් ගෙන ඇති නමුත් එම තීරණය තමා විශ්වාස නොකරන බවත් මීට පෙරද ජනතා විරෝධය පැමිණි පනත් රජය විසින් හකුලා ගත්තත් පසුව තමන්ගේ බහුතරය උපයෝගී කර ගෙන සම්මත කර ගත් බවත් විපක්ෂ නායකවරයා පැවසීය.
එබැවින් රජය විසින් මෙම ත්රස්ත විරෝධී පනත හකුලා ගන්නේ නම් ඒ සම්බන්ධයෙන් පැහැදිලි ලිඛිත නිවේදනයක් නිකුත් කරන ලෙසත් විපක්ෂ නායක සජිත් ප්රේමදාස මහතා පැවසීය.
රජය විසින් මෙම පනත ගෙන ඒම හරහා අපේක්ෂා කරන්නේ ජනතාව විසින් තම අයිතීන් වෙනුවෙන් නැගී සිටීම වැළැක්වීමට බවත් මේ නිසා ජනතාවට රටේ උත්තරීතර නීතිය මගින් ලබා දී ඇති මානව අයිතීන් පවා උල්ළංඝනය වන බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ ත්රස්ත විරෝධි පනත සම්බන්ධයෙන් අද විශේෂ ප්රකාශයක් සිදු කරමින්.
