මිනිස් සිරුරක ස්පර්ෂ වූවවොත් ක්ලාන්තය හෝ සිහිමුර්ජාවට ලක්වන බව කියන අධික විෂ සහිත වූ දළඹු විශේෂයක් පුත්තලමෙන් හමුව තිබේ.
පුත්තලම වනාතවිල්ලුව ප්රදේශයේ පුද්ගලික පොල් ඉඩමක් තුළ සිට මෙම දැවැන්ත යෝධ දළඹුවා හමුව ඇති බව පැවසේ.
දිගින් අඟල් 8-10ත් අතර, ප්රමාණයකින් යුක්ත වුවද ශරීරය හැකීලීමේ හා දිගහැරීමේ හැකියාවක් දළඹුවා තුළ දැක ගත හැකි බව දැනගන්නට ඇත.
ශරීරය පුරාව දිගට වැඩුන කෙදි ආකාරයේ විශේෂිතවූ ලොම් වලින් ගහන වූ මෙම දළඹුවාගේ මතුපිට සම පොළගෙකුගේ සිරුරට සමාන බවක් දක්නට ලැබෙන බවත්, හිස පෙදෙස තද වර්ණයෙන් යුත් දම් පැහැයක් ගන්නා අතර, බඩ පෙදෙස තද කළු සහ දුඹුරු මිශ්ර වර්ණයෙන් යුක්තව ඇති අතර, සමාන්තරව ඝනට වැඩුන පාද දක්නට ලැබෙන බවත් පැවසේ.
ජනවහරේ පැවසෙන පරිදි වැඩිහිටියන් මෙම දළඹුවා පොළොන් දළඹුවා ලෙස හඳුන්වන බව කියති.
