රටේ අධ්යාපනය නූතනයට ගැලපෙන පරිදි නූතනවාදී නොවීමේ ඛේදවාචකය රටක් ලෙස අද අත්විඳින බවත්, එය එක් අතකින් අධ්යාපන මර උගුලක් බවට පත්ව ඇති බවත් විපක්ෂ නායක සජිත් ප්රේමදාස මහතා පැවසීය.
රටේ අධ්යාපනයේ යාවත්කාලීන කිරීමටත් නූතනවාදී තත්වයට ගැලපෙන ලෙස උසස් කිරීමටත් සමගි ජන බලවේගය සතුව වැඩපිළිවෙළක් ඇති බව පැවසූ විපක්ෂ නායකතුමා එය ලෝකයේ නවීනතම සහ උසස්ම අධ්යාපන ක්රමවේද හා සංසන්දනය කළ හැකි බවද පැවසීය.
මේ රටේ 10,000කට වැඩි පාසල් සියල්ල සුහුරු පාසල් බවට පත් කිරීම සිය ඒකායන අරමුණ බව පැවසූ විපක්ෂ නායකතුමා ඒ වෙනුවෙන් කළ හැකි සියලු ක්රියාමාර්ග ඉටුකරන බවද පැවසීය.
අපේ රටේ බෙදීම් රේඛාවන් ගණනාවක් ඇති බව පැවසූ විපක්ෂ නායකතුමා ආගම් වශයෙන්,ජාතීන් වශයෙන්,දුප්පත් පොහොසත් වශයෙන්,නැති බැරි ඇති හැකි වශයෙන් විවිධාකාර ලෙස බෙදී ඇති බවද පැවසීය.
විපක්ෂ නායක සජිත් ප්රේමදාස මහතා මේ බව පවසා සිටියේ හොරුව්පතාන වීරසොලේ මුස්ලිම් මහා විද්යාලයට සුහුරු පන්ති කාමර උපකරණ පරිත්යාග කිරීමේ අවස්ථාවට එක්වෙමිනි.
දේශයේ දරුවන්ට සුහුරු ලොවක දෑත් ඔසවනු පිණිස ක්රියාත්මක”සුහුරු පන්ති කාමර සඳහා පරිගණක තාක්ෂණික පුවරු” සහ නවීන පරිගණක පරිත්යාග කරන “සක්වල” වැඩසටහනෙහි 29 වන පියවර ලෙස රුපියල් නව ලක්ෂ විසි හතරදහසක් (රු. 924,000.00) වටිනා සුහුරු පන්තිකාමර සඳහා ඩිජිටල් පරිගණක තිර සහ පරිගණක උපකරණ මෙලෙස එම විදුහල වෙත පරිත්යාග කරනු ලැබීය.
මීට පෙර විපක්ෂ නායකවරයා ලෙස සජිත් ප්රේමදාස මහතා අදියර 28 දී සක්වල හරහා රුපියල් ලක්ෂ 23,425,650.00ක් වටිනා පරිගණක තාක්ෂණික පුවරු පරිත්යාග කොට තිබේ.
එමෙන්ම සක්වළට සමගාමීව පාසල් හැත්තෑවක් සඳහා රු.339,200,000.00ක් වටිනා බස්රථ 70ක් පාසල් සඳහා පරිත්යාග කොට තිබේ.
