සංවිධානාත්මක අපරාධකරුවෙකු වන “අංගොඩ ලොක්කා” නමැති පාතාලකරු විසින් මත්ද්රව්ය ප්රවාහනය සදහා පුහුණුකර යොදා ගත් බවට සැක කරන ”උකුස්සෙකු” මීගොඩ නාවලමුල්ල කනත්ත පාර ප්රදේශයේ “අංගොඩ ලොක්කා” නමැති පාතාලකරුගේ සමීපමතයකුට අයත් සත්ව ගොවිපලක සිර කර සිටියදී පොලිස් බාරයට ගත් බව අතුරුගිරිය පොලිසිය පවසයි.
බස්නාහිර පළාත් බුද්ධි ඒකකයේ නිළධාරීන්ට ලද තොරතුරක් මත අතුරුගිරිය පොලිසියේ නිලධාරීන් හා එක්ව සිදු කළ මෙහෙයුමකදී මෙම “උකුස්සා” සහ ගොවිපලෙහි සිටි සේවකයින් දෙදෙනෙකු ද වායු රයිෆලයක් ද සමගින් සැකපිට අත්අඩංගුවට ගත් බවත්, එම සැකකරුවන් දෙදෙනා පිළිබදව තවදුරටත් විමර්ශන කටයුතු සිදු කරන බවත් පොලිසිය පවසයි.
සත්ව ගොවිපලට ඇතුල්වීම තහනම් බවට පුවරුවක් යෙදු ගේට්ටුවක් සවිකර සුනඛයින් විශාල පිරිසක් ගොවිපල වටා ආරක්ෂාව සදහා යොදා ගනිමින් පවත්වාගෙන ගොස් තිබූ බවද පොලිසිය පවසයි.
මෙම “උකුස්සා’‘ වෙනත් රටක සිට බෝට්ටුවක් මගින් මෙරටට ගෙන ආ බවට සැකපිට අත්අඩංගුවට ගත් සැකකරුවන්ගෙන් සිදු කල ප්රශ්න කිරීම්වලදී අනාවරණය වී ඇති බවත් ඒ පිළිබදව වැඩිදුරටත් පරීක්ෂණ සිදු කරන බවද අතුරුගිරිය පොලිසියේ උසස් නිලධාරිෙයක් පැවසීය.
“කුසඇලි මුහුදුකුස්සා” නමින් හදුන්වන මෙම උකුස්සා ශ්රී ලංකාවට ආවේණික සත්වයකු නොවන බවත් මෙම සත්වයින් කූඩුකර ඇතැදැඩි කිරීම නීතියෙන් තහනම් බවත් මෙවැනි වැඩුණු උකුස්සන්ට කිලෝ 15 පමණ බරක් ඕනෑම තැනකට රැගෙන යාමේ හැකියාව මෙන්ම එලෙස පුහුණුකර හැකි පක්ෂීයෙකු බවද තම බාරයට ගත් උකුස්සා පිළිබදව අධිකරණයට කරුණු වාර්තා කර ඉදිරි පියවර ගන්නා බවද බත්තරමුල්ල වනජීවී හදිසි වැටලීම් ඒකකය පැවසීය.
