මයිලෝ ප්‍රවර්ධන වැඩසටහනේ ජයග්‍රාහකයින්ට ක්‍රීඩා අමාත්‍යවරයා පාපැදි තිලිණ කරයි

කුඩා දරුවන්ගේ ශාරීරික ක්‍රියාකාරකම් සක්‍රීයව පවත්වාගැනීමේ පියවරක් වශයෙන් මයිලෝ සංවිධානය කළ විශේෂ වැඩසටහනේ ජයග්‍රාහකයින්ට පාපැදි තිළිණ කිරීමට ක්‍රීඩා අමාත්‍ය නාමල් රාජපක්ෂ මහතා පසුගියදා එක්වුණේය. මෑතකදී ඉරිදා දිනයේ පාපැදි ධාවනය සඳහා වෙන් කිරීමටද ක්‍රියාකළ ක්‍රීඩා අමාත්‍යවරයා, එළිමහන් ක්‍රියාකාරකමක් වශයෙන් මෙන්ම ව්‍යායාම ලබාගැනීම සඳහාත් පාපැදි ධාවනයේ යෙදීම, ඉතා වැදගත් බව දැඩිව විශ්වාස කරයි.

මයිලෝ ක්‍රියාත්මක කළ නවතම ප්‍රවර්ධන වැඩසටහන හරහා දරුවන් 10,000ක් අතර රුපියල් මිලියන 10ක් වටිනා ත්‍යාග බෙදාදීමට නියමිතය. පාපැදි, ස්කේට්බෝඩ්, බාස්කට්බෝල්, පාපන්දු, ලැප්ටොප්, ටැබ්, රීලෝඩ් සහ වෙනත් තෑගි රැසක් ඊට අයත්ය. විශේෂයෙන්ම බොහෝදෙනා දුරස්ථ අධ්‍යාපන කටයුතුවල නිරත වන, එමෙන්ම තම දරුවන්ගේ එළිමහන් ක්‍රියාකාරකම් සීමාසහිත වීම නිසා ඔවුන්ගේ ශාරීරික සෞඛ්‍යයට එල්ලවිය හැකි බලපෑම පිළිබඳ දෙමාපියන් වඩාත් සැලකිලිමත් වන මෙවැනි කාලවකවානුවකදී මෙම ත්‍යාග මහත්සේ ප්‍රයෝජනවත් වනු ඇත. මෙම වැඩසටහන යටතේ දැනට ජයග්‍රාහකයින් 8,000කට ත්‍යාග පිරිනමා ඇති අතර, 2021 අප්‍රේල් 18 දක්වා සෑම සතියකදීම ජයග්‍රාහකයින් 1,000කට ත්‍යාග හිමි වේ. මේ පිළිබඳ වැඩිදුර තොරතුරු MiloSriLanka ෆේස්බුක් පිටුව ඔස්සේ ලබාගත හැක.