මනමාලකම් ඔළුවට දාලා පවුල් ගිනි තියන ග්‍රහයෝ…

පරපුරුෂ සහ ස්ත්‍රී සේවනය විවිධ අර්ථ කථනයන්ගෙන් හඳුන්වන ගැහැනු පිරිමි සබඳතාවන්ය. මේවා අයථා සබඳකම් ලෙසත් හඳුන්වනු ලැබේ. ඒ වගේම ඇතැම් විට විවිධ පුරුෂයන් කරා ගොස් කම්සැපෙහි බැඳෙන්නිය ගණිකාව යන කෙටි නාමයකින් හඳුන්වන්නත් සමාජය පෙලඹී තිබෙනවා. වරදේ බැඳෙනවා යන්න කාගෙත් මතකයට නැගෙන එකම වරදකාරිය ගණිකාවය. එහෙත් බොහෝ දෙනකු තම තමන්ගේ වැරැදි වසාගන්නට එසේ සිතන්නට පෙලඹුණද අද වෙද්දී සමාජයේ උසස් යැයි සම්මත බොහෝ පවුල්වල සිදුවන බහු ස්ත්‍රී පුරුෂ සේවනයන් අතිවිශාලය. එසේම සිය සතුට උදෙසා සැමියාට රහසේ වරදේ බැඳෙන කතුන්ද, බිරියට රහසේ වරදේ බැඳෙන පිරිමින්ද මේ ගොඩටම වැටෙති. බොහෝ දුරට මෙවැනි සබඳතා සාමාන්‍ය සිදුවීම් බවට පත්වන තරමටම සමාජය තූළ මේවා ඔඩුදුවා ඇත. කෙසේ වෙතත් මෙවැනි සබඳතා සඳහා පාර කපන ග්‍රහයෝද ග්‍රහ යෝගද ජ්‍යොතිෂයේ හඳුන්වාදී තිබේ. මේ එවැනි ග්‍රහයෝග කිහිපයකි.

ලග්නාධිපති ග්‍රහයා සහ චන්ද්‍රයා යන දෙදෙනාගෙන් වඩාත් බලවත් ග්‍රහයා ශනිට චතුරස්‍රව හෝ සම සප්තමව හෝ එසේත් නැතිනම් සිංහ රාශිගතව සිටින විටදීත්, එසේත් නැතහොත් ඔවුන් පාප ග්‍රහයකු විසින් දුර්වල කළ විට ශුභ දෘෂ්ටි නොලද ස්ත්‍රියට පහත් ගති ඇතිවේ. එවැන්නිය විවාහයට පෙර සිටම බහු පුරුෂ සේවනයට ප්‍රිය කරයි. ඊට යොමු වෙයි. සෑහීමකට පත් නොවන්නීය.

ලග්නාධිපති සහ චන්ද්‍රයා යන දෙදෙනාගෙන් වඩාත් බලවත් ග්‍රහයා ශනිට ත්‍රීශාංශකව මකර හෝ කුම්භ රාශිගතව යහපත් ග්‍රහයන්ගෙන් බලපෑමක් නොමැතිව සිටින විට පහත් ගති ඇතිවේ. මෙවැනි ග්‍රහ තත්ත්වයන් කේන්දරයේ පිහිටි ගැහැනුන් මෙන්ම පිරිමින්ද පහසුවෙන් විරුද්ධ ලිංගිකයන්ට නතු වේ. දැඩි කාමාධික සිත් ඇත්තන් වේ.
කුජට හෝ ශනිට අයත් ලග්නයක් නම් කිසියම් යහපත් බලපෑමකින් තොරව බලවත් පාප ග්‍රහයකුගේ දෘෂ්ටියට හසුවී විටකදීත් චන්ද්‍රයා, ශුක්‍ර එම ලග්නගතව සිටින විටදීත් පහත් ජීවිකාවන්ට පෙලඹේ. එම ග්‍රහ තත්ත්වය සමග උපදින දරුවන්ගේ මවුවරුන්ගේද එවැනිම ග්‍රහ තත්ත්ව ඇති බවද පර්යේෂණවලින් උප්පු වී ඇත. එසේම මෙම ග්‍රහ තත්ත්ව ඇති ස්ත්‍රීන් අයථා ලිංගික කටයුතු ඇසුරෙන් මුදල් ඉපයීමට යොමුවේ.

ලග්නය කුජට හෝ ශනිට අයත් රාශියක් වූ විට බලවත් පාපියකු විසින් දුර්වල කළ චන්ද්‍රයා හා ශුක්‍ර කිසියම් සුබ බලපෑමක් නොමැතිව ලග්නයෙන් හත්වැන්නේ පිහිටි කාන්තාවන්ද බහු පුරුෂ සේවනයට යොමුවන්නීය. ඇතැම් විට ඇයද එවැනි සබඳතා ඇසුරෙන් මුදල් ඉපයීමට හෝ තම අවශ්‍යතා සපුරාගැනීම උදෙසා එවැනි සබඳතාවලට යොමුවන බවද හඳුනාගෙන තිබේ.

චන්ද්‍රයා හා ශුක්‍ර හයවැන්නේ සිටියදීද පාප ග්‍රහයකු දුර්වලත්වයට පත්කරනු ලැබූ යහපත් ග්‍රහ සංයෝගයකින් හෝ දෘෂ්ටියකින් තොරවූ විටද එම කේන්දර හිමිකාරිය අයථා සබඳතාවලට යොමුවන්නීය. ඇය විවාහයෙන් පසු බාල වයසේ පිරිමින්ට බැඳෙන බවද පැවැසේ.

ලග්නාධිපති හෝ චන්ද්‍රයාගෙන් වඩාත් බලවත් ග්‍රහයා කුජට හිමි රාශියක නම් හා පාප ග්‍රහයකු දුර්වලත්වයට පත්කළ කුජ යහපත් ග්‍රහයකුගේ දෘෂ්ටිය හෝ සංයෝගය නොලද විටද එම කේන්දර හිමි තැනැත්තා හෝ තැනැත්තිය අයථා සබඳතා කෙරෙහි නැඹුරු වෙයි. මේ අය නිතරම විවාහක කාන්තාවන්ට පිරිමින්ට ආශා කරයි. තරුණ වයසේ සිටම කිහිප දෙනකු ඇසුරට යොමුවනු ඇත.

දුර්වල නොවූ ලග්නාධිපතියකු හෝ චන්ද්‍රයකු සිටි ස්ත්‍රියක් විවාහයට පෙර සිටම කාම සේවනයට පෙලඹෙනු ඇත. ඇයට පිරිමින්ගේ ඇසුර විනෝදාංශයකි. නිතරම නාඳුනන පිරිමින් කෙරෙහි යොමුවීමට සිතයි. සෑහීමකට පත් නොවන්නීය.

රවි, කුජ, ශනි යහපත් ග්‍රහ සංයෝගයකින් තොරව ලග්නයෙන් හත්වැන්නේ සිටින විට එම ස්ත්‍රිය අයහපත් සබඳතා කෙරෙහි යොමුවෙයි. තරුණ කාලයේදීත් විවාහයෙන් පසුවත් විවිධ පුරුෂයන් ඇසුරට ප්‍රිය වේ. විවාහ නොවී එලෙස පුරුෂයන් ඇසුරේ සිටිමින් නඩත්තු වන්නටද මේ අය පෙලඹෙති.

චන්ද්‍රයාගෙන් හත්වැන්නේ රවි, කුජ, ශනි සංයෝගව සිටින යහපත් බලපෑමක් නොමැති නම් ඇතිවන්නේද නුසුදුසු හැසිරීම්ය. ඇය සහකරුව රවටා නිතර නිතර වෙනත් පිරිමින්ගේ ඇසුරට යොමුවීමට උත්සාහ කරයි. අයථා අයුරින් මුදල් ඉපයීමත්, විවිධ වස්තුව තමා සතුකර ගැනීමත් උදෙසා පුරුෂ සේවනයට මේ අය පසුබට නොවෙති.

ප්‍රවීණ ජ්‍යොතිෂ හා අංග ලක්ෂණ පර්යේෂණවේදී ජයශ්‍රී නන්ද කුමාර