පේරාදෙණිය විශ්ව විද්යාලයේ හිටපු උපකුලපති භූ ගර්භ විද්යාව පිළිබඳ ජ්යෙෂ්ඨ මහාචාර්ය අතුල සේනාරත්න මහතාටත් ඔහුගේ පුත්රයා අතුලු පවුලේ සාමාජිකයන්ට නිවසටත් පහර දීමට සම්බන්ධ වූ බවට හඳුනාගෙන ඇති සිසුන් දස දෙනකුගේ ශිෂ්යභාවය වහාම ක්රියාත්මක වන පරිදි අත්හිටවූ බව එම විශ්ව විද්යාලයේ නියෝජ්ය උපකුලපති සහ මාධ්ය ප්රකාශක ටෙරන්ස් මධුජිත් මහතා පැවසීය.
මහාචාර්ය අතුල සේනාරත්න මහතාගේ නිල නිවසේ සවිකොට තිබූ ආවේක්ෂණ කැමරා දර්ශන සහ ප්රහාරය එල්ල වන අවස්ථාවේ දී එම ස්ථානයේ සිටි නිලධාරීන්ගේ තොරතුරු මත එම සිසුන් දස දෙනා හඳුනාගෙන වහාම ක්රියාත්මක වන පරිදි එම සිසුන් දස දෙනාගේ ශිෂ්යභාවය තාවකාලිකව අහෝසි කිරීමට පියවර ගත් බවයි.
සිද්ධියට සම්බන්ධ සිසුන් තවදුරටත් හඳුනා ගනිමින් සිටින බව පැවසූ මහාචාර්යවරයා ඉදිරියේදී තවත් සිසුන් පිරිසකගේ ශිෂ්යභාවය අහෝසි විය හැකි බව ද පැවසීය.
එසේ ශිෂ්යභාවය අහෝසි කළ සිසුන් ශාස්ත්ර පීඨය සහ විද්යාපීඨයේ අධ්යාපනය හදාරන සිසුන් බව ද මහාචාර්ය ටෙරන්ස් මධුජිත් මහතා පැවසීය.
