හිටපු ක්රීඩා අමාත්ය හරීන් ප්රනාන්දු මහතා සිය ධුර කාලයේ අවසන් කාලය තුළ සිදුකරනු ලැබූ එක්තරා කටයුත්තක් සම්බන්ධයෙන් වත්මන් ක්රීඩා අමාත්ය ඩලස් අලහප්පෙරුම මහතා දැඩි ප්රසාදයෙන් යුතුව පසුගිය දිනෙක අදහස් දක්වා සිටියේය.
ඒ, සූදු ක්රීඩාවට සම්බන්ධ පුද්ගලයන්ට ක්රිකට් පරිපාලනයට එක්විය නොහැකි ලෙසට ක්රීඩා පනත සංශෝධනය කිරීමට හරීන් ප්රනාන්දු මහතා පියවර ගෙන තිබීම සම්බන්ධයෙනි.
ඉකුත් සතියේ අගමැති මහින්ද රාජපක්ෂ මහතා හා පුවත්පත් කර්තෘවරුන් සමග අරලිය ගහ මැදුරේදී පැවැති සාකච්ජාවේදී අලහප්පෙරුම මහතා මෙම අදහස් පළ කර සිටියේය.
මෙහිදී ඒ මහතා පෙන්වා දුන්නේ ක්රිකට් නීති සංශෝධනය කිරීමට පියවර ගැනීම හරහා හරීන් ප්රනාන්දු මහතා ක්රීඩාවට විශාල සේවයක් කළ බවත්, තමන්ද ඉදිරියට ක්රිකට් ඇතුළු අනෙකුත් සියලු ක්රීඩාවන් තුළ පවතින අක්රමිකතා ඉවත් කරලීමට පියවර ගන්නා බවත්ය.
