ලංකාවේ ඇවිදින්න යන්න හොඳම පැත්ත හරි කැමැතිම පැත්ත ගැන හරි ඇහුවොත් එක එක අය දෙන්නේ එක එක උත්තර. ඒත් රටේ හැම අස්සක මුල්ලකම ඇවිදින එක හරිම ආස්වාදජනකයි කියලා හිතෙනවා ඇති. අන්න ඒ වගේ අයට ගැළපෙන තැනක් ගැන තමයි මේ කියන්නේ. කොළඹ ඉඳන් අඩු වෙලාවකින් ගිහින් නවතින්න ලස්සන තැනක් හොයන අයටත් මේක
වැදගත් වේවි.
අපි ඉන්නේ රත්නපුර දිස්ත්රික්කයේ. ඒත් මෙතැන ඉඳන් කළුතර දිස්ත්රික් මායිමටත් වැඩි දුරක් නැහැ. මෙතැනට එන්න ක්රම කිහිපයක් තියෙනවා. පානදුර ඉඳන් රත්නපුර පාරේ ඇවිත් එපිටවෙල හන්දිය පහුවෙලා ටික දුරක් යද්දී හාදුකන්දට යන පාර හම්බ වෙනවා. රත්නපුර පැත්තේ ඉඳන් එද්දී කිරිඇල්ල පහු කරලා ටික දුරක් පානදුර පැත්තට එද්දී තමයි හාදුකන්ද පාර හම්බ වෙන්නේ. එහෙම නැත්නම් ඇහැලියගොඩ- කිරිඇල්ල පාරේ ඇවිල්ලත් හාදුකන්ද පාරට එන්න පුළුවන්. මේ හාදුකන්ද පාරේ ටික දුරක් යද්දී හම්බවෙන අපූරු නවාතැනක් ගැන තමයි අද අපි කියන්නේ.
ඒ තමයි ‘දෙගම්බඩ රිසෝට්’. ලංකාවේ හෝටල් නාමාවලියට අලුතෙන්ම එකතු වුණු තැනක් හින්දා තාම මෙතැන ගැන වැඩි දෙනෙක් දන්නේ නැහැ. හැබැයි එක පාරක් හරි ගිය කෙනකුට නම් ආයත් සැරයක් එතැනට යන්නම හිතෙනවා. ඒ තරම්ම එහි පිහිටීම සහ ඉදිකිරීම් ආකර්ෂණීයයි. දෙගම්බඩ රිසෝට් වෙත යන කෙනකුට එක පාරට පෞරාණික වලව්වක් හිතේ මැවෙන්නත් පුළුවන්. එහෙම නැත්නම් සුවිශාල මාලිගාවක් හිතේ මැවෙන්නත් පුළුවන්. ඒ තරමටම එහි වාස්තු විද්යාත්මක නිමැවුම් පුදුම සහගතයි.
දෙගම්බඩ රිසෝට් වෙත එන සංචාරකයන් ජීවිතේට අමතක නොවන අත්දැකීමක් අත්විඳින්න පුළුවන් වෙන විදියට තමයි එහි කාමර ඉදි වෙලා තියෙන්නේ. අවට පරිසරය හිතා ගන්න බැරි තරම් නිස්කලංකයි. ඇස්වලට පේන පේන හැම තැනම ගහකොළ. ඈතට පේන ඒ නිල්ල දිහා කොච්චර වෙලා බලා හිටියත් එපා වෙන්නේ නැති තරම්.
මේ අපූරු නවාතැනේ හිමිකරුවා තමයි වෛද්ය ආනන්ද ඒකනායක මහතා. මේ නවාතැන නිර්මාණය වෙන්නෙත් එතුමාගේ සංකල්පයක් අනුව තමයි. ආයතනයේ කළමනාකාර චමිල ගුණසේකර මහතාගේ මෙහෙයවීමෙන් තමයි හැම දෙයක්ම පාලනය වෙන්නේ. ප්රධාන සූපවේදී චතුර මධුෂාන්ගේ අධීක්ෂණය යටතේ තමයි දෙගම්බඩ රිසෝට් වෙත පැමිණෙන්නන් වෙනුවෙන් ප්රණීත ආහාර පාන සකස් වෙන්නේ. ඒ වගේම ඒ ආහාර වෙනුවෙන් ලබා ගන්න බොහෝ අමුද්රව්ය දෙගම්බඩ රිසෝට් භූමියෙන්ම සපයා ගැනීමත් විශේෂ දෙයක්.
මීට වැඩිය විස්තර කියන්න ඕනේ නැහැ. ජීවිතේට අමතක නොවන අත්දැකීමක් විඳින්න නිවාඩු ලැබුණු වෙලාවක දෙගම්බඩ රිසෝට් පැත්තේ ගිහින් එන්න. ඒ වගේම “මව්රට හොලිඬේ” ඔබ වෙනුවෙන් සුවිශේෂී වට්ටමක් ලබා දෙන්නත් දෙගම්බඩ රිසෝට් සූදානම්. හැබැයි මේ වට්ටම හිමි වන්නේ ඒ සඳහා උත්සාහ කරන පළමු පාඨකයන් පස් දෙනාට විතරයි. ඒ හින්දා මඟ නොහැර ඉක්මන් කරලා ඒ අවස්ථාව ලබා ගන්න කියලත් අපි ඔබට මතක් කරනවා. Call US – 0760331837
චන්දන පොන්නම්පෙරුම
