අගමැති මහින්ද රාජපක්ෂ මහතා විසින් හිටපු අගමැති රනිල් වික්රමසිංහ මහතා හට පාර්ලිමේන්තුවේ කැබිනට් අමාත්යවරුන්ට හට ලබා දෙන විශේෂ කාමරයක් ලබා දීමට පියවර ගෙන ඇත.
රනිල් වික්රමසිහ මහතා විසින් කරන ලද ඉල්ලීමකට ප්රතිචාර දක්වමින් මහින්ද රාජජපක්ෂ මහතා මෙම කාමරය ලබා දී ඇති බව පැවසේ.
මෙහිදී හිටපු අගමැතිවරුන්ට හෝ හිටපු විපක්ෂ නායකවරුන්ට විශේෂ කාමරයක් පාර්ලිමේන්තුවේ ලබා දීමේ සම්ප්රදායක් නැතත් වික්රමසිංහ මහතා කතානායක කරු ජයසූරිය මහතා හට පසුගිය සතියේදී එවැනි දැනුම් දීමක් කර තිබේ.
ඒ අනුව කතානායකවරයා විපක්ෂ නායක සජිත් ප්රේමදාස මහතාට මේ බව දැනුම් දීමෙන් පසු ප්රේමදාස මහතා තමන්ට ඇති විපක්ෂ නායක කාමරයෙන් කොටසක් වික්රමසිංහ මහතාට ලබා දීමට කැමැත්ත පළ කොට ඇත. නමුත් වික්රමසිංහ මහතා එය ප්රතික්ෂේප කර තිබේ.
ඒ අනුව කතානායකවරයා මේ බව අගමැති මහින්ද රාජපක්ෂ මහතා වෙත දැනුම් දීමෙන් පසු අගමැතිවරයා සදහන් කොට ඇත්තේ දැනට කැබිනට් අමාත්යවරුන් 16ක් පමණක් සිටින බැවින් කැබිනට් ඇමැතිවරුන්ට හිමි කාමරයක් වික්රමසිංහ මහතාට ලබා දිය හැකි බවකි.
ඊට වික්රමසිංහ මහතා එකගතාව පළ කර ඇති අතර වික්රමසිංහ මහතාගේ අතිසමීපතමයකු වූ හිටපු අමාත්ය වජිර අබේවර්ධන මහතා භාවිත කළ කාමරය වික්රමසිංහ මහතාට ලබා දීමට අගමැතිවරයා ඒ අනුව කටයුතු කර ඇති බවද පැවසේ.
