අනුරාධපුර දිස්ත්රික්කයේ තඹුත්තේගම නගරයේ පිහිටි ප්රධාන පෙළේ පෞද්ගලික බැංකුවක් ඉදිරිපිට දී තඹුත්තේගම නගරයේ ප්රසිද්ධ ව්යාපාරිකයකුගේ රුපියල් ලක්ෂ 223 කට ආසන්න මුදලක් මංකොල්ල කෑමට ගත් උත්සාහය තඹුත්තේගම පොලිස් ස්ථානයේ පොලිස් සැරයන්වරයකුගේ නිර්භීත මැදිහත්වීමෙන් වලක්වා ගැනීමට අද (26) පස්වරුවේ හැකි වී ඇත.
මංකොල්ලයට පැමිණි ආයුධ සන්නද්ධ මංකොල්ලකරුවන් දෙදෙනා මෙල්ල කර ගෙන එම අවස්ථාවේදීම අත්අඩංගුවට ගැනීමට තඹුත්තේගම පොලිස් ස්ථානයේ විවිධ පැමිණිලි අංශයේ පොලිස් සැරයන් 42313 ‘බුද්ධික කුමාර’ නිලධාරියා සමත්ව ඇත.
මෙලෙස අත්අඩංගුවට පත්ව ඇත්තේ රාජාංගනය ප්රදේශයේ පදිංචිකරුවන් දෙදෙනකු බව තඹුත්තේගම පොලීසිය පවසයි.
අත්අඩංගුවට ගත් සැකකරුවන් අවුරුදු 48 හා 50 වයස්වල පසුවන තඹුත්තේගම ප්රදේශයේ පදිංචිකරුවෝ වෙති.
සැකකරුවන් භාරයේ තිබී මෙරට නිෂ්පාදිත බෝර 12 ගිනි අවියක්, බෝර 12 පතරොම් 01 ක්, මන්නා පිහියක්, අත්වැසුම්, ජංගම දුරකථනයක් සහ යතුරු පැදියක්ද පොලිස් භාරයට ගෙන ඇත.
අද (26) පස්වරු 02 ට පමණ තඹුත්තේගම නගරයේ පිහිටි ප්රමුඛ පෙළේ පෞද්ගලික බැංකුවක් ඉදිරිපිට දී මෙම මංකොල්ලය සිදු කිරීමට උත්සාහ දරා ඇත.
අදාල බැංකුවට මුදල් තැන්පත් කිරීම සඳහා මෝටර් රථයකින් පැමිණි තඹුත්තේගම ආර්ථික මධ්යස්ථානයේ ව්යාපාරයක් පවත්වාගෙන යන ප්රසිද්ධ ව්යාපාරිකයකුගේ මුදල්, මුහුණු ආවරණය කරගෙන අංක තහඩු නොමැති යතුරු පැදියකින් පැමිණි කොල්ලකරුවන් දෙදෙනා පැහැර ගැනීමට උත්සාහ දරා ඇත,
මෙරට නිෂ්පාදිත බෝර 12 වර්ගයේ ගිණි අවිය හා තියුණු පිහිය සහිත ආයුධ සන්නද්ධ ව කොල්කරුවන් සිට ඇති අතර, ඔවුන් ආයුධ පෙන්වා ව්යාපාරිකයා බිය ගන්වා මුදල් පැහැර ගෙන ඇත.
සැකකරුවන් දෙදෙනා මුදල් මංකොල්ලකා පලා යන අවස්ථාවේ දී එම ස්ථානයෙන් ගමන්කළ තඹුත්තේගම පොලිස් ස්ථානයේ විවිධ පැමිණිලි අංශයේ පොලිස් සැරයන් 42313 බුද්ධික කුමාර නිලධාරියා නිර්භීතව ක්රියා කරමින් මෙම ආයුධ සන්නද්ධ සැකකරුවන් මෙල්ල කර අත්අඩංගුවට ගෙන රුපියල් ලක්ෂ 223 ක මුදල ද පොලිස් භාරයට ගැනීමට එම අවස්ථාවේදීම කටයුතු කර ඇත.
ඒ අවස්ථාවේ පොලිස් නිළධාරියා සමඟ ද පොර බැදූ කොල්ලකරුවෝ සැරයන්ට ද ගිණි අවිය එල්ල කර ගිණි අවිය ක්රියාත්මක කිරීමට උත්සාහ කර ඇතත්, එය ක්රියාත්මක නොවූ බව සිද්ධියට මුහුණ දුන් සැරයන්වරයා පැවසීය.
කොල්ලකරුවන් සතුව තිබී මිරිස් කුඩු ද තමන්ගේ මුහුණට එල්ල කළ බවත්, කෙසේ හෝ කොල්ලකරුවන් දෙදෙනා මෙල්ල කිරීමට තමන් කටයුතු කළ බවත් සැරයන් බුද්ධික කුමාර පැවසීය.
අනතුරුව තඹුත්තේගම පොලිස් ස්ථාන නිළධාරීන් පැමිණ සැකකරුවන් දෙදෙනා හා ඔවුන් සතුව තිබූ ගිණි අවිය හා පතරොම් 1, තියුණු පිහිය හා සොරා ගැනීමට උත්සාහ කළ මුදල්, ඔවුන් පැමිණි යතුරු පැදිය ඇතුළු භාණ්ඩ කීපයක් පොලිස් භාරයට ගෙන ඇත. සැකකරුවන් මේ වන විට තඹුත්තේගම පොලිස් ස්ථානයේ රඳවා සිටින අතර, තඹුත්තේගම පොලිසිය වැඩිදුර විමර්ශන සිදුකරනු ලබයි.
සිද්ධිය සම්බන්ධයෙන් සහකාර පොලිස් අධිකාරී ජීව හසන්ත සිරිසේන ගේ උපදෙස් මත, තඹුත්තේගම පොලිස් ස්ථානාධිපති එන්.ජේ අතුකෝරළ ඇතුළු නිළධාරී පිරිසක් පරීක්ෂණ පවත්වති. ලංකාඊනිව්ස්-තිසර සමල් සහ පොලිස් නිල වෙබ් අඩවිය ඇසුරිනි.
තමුත්තේගම පෞද්ගලික බැංකුවක් ඉදිරිපිටදී රුපියල් ලක්ෂ 223ක මුදලක් කොල්ලකෑ සැකකරුවන් දෙදෙනෙකු එම මුදල් සහ ගිනි අවියක්ද සමඟ අත්අඩංගුවට#Police#arrested#thambuththegama#slpolicemediahttps://t.co/dOtTgA26IG pic.twitter.com/GsoFQGFS4x
— SL Police Media (@SL_PoliceMedia) September 26, 2022
