අද පාර්ලිමේන්තුවේදී විපක්ෂයේ ලොබියට පැමිණ ඇති වැඩ බලන ජනාධිපති රනිල් වික්රමසිංහ මහතා අගමැති ධූරය සජිත් ප්රේමදාස මහතාට ලබා දීමට සූදානම් බවට සමගි ජන බලවේගයේ මන්ත්රීවරුන් කිහිප දෙනකුට යෝජනා කිරීමට පියවර ගෙන ඇත.
මීට අමතරව ජාතික ආණ්ඩුවක් නිර්මාණය කළ හැකි ආකාරය පිළිබදවත්, කැබිනට් අමාත්ය ධූර ලබා දීම පිළිබදවත් මෙහිදී වික්රමසිංහ මහතා විවිධ යෝජනා ඉදිරිපත් කොට ඇති බව දැනගන්නට තිබේ.
වික්රමසිංහ මහතා එම ස්ථානයට පැමිණෙන විට එහි හර්ෂණ රාජකරුණා, ජේ.සී. අලවතුවල, කින්ස් නෙල්සන්, එස්.එම් මරික්කාර්, මයන්ත දිසානායක ඇතුලු මන්ත්රීවරුන් කිහිප දෙනකු සිට ඇති බව දැනගන්නට ඇත.
ඒ අනුව වික්රමසිංහ මහතාගේ යෝජනාවට වහාම පිළිතුරු දී ඇති හර්ෂණ රාජකරුණා මහතා ‘ඇයි ඉතින් ඔබතුමා ඔය කතාව අපේ නායකතුමාටම ගිහින් කියන්නේ නැත්තේ’ යනුවෙන් සදහන් කොට ඇත.
එවිට වික්රමසිංහ මහතා කියා ඇත්තේ ‘ඔයගොල්ලන්ට කියන්නේ එතුමාට ගිහින් කියන්න තමයි’ යැයි කියාය.
‘ඉතින් අපේ නායකතුමාත් ජනාධිපති අපේක්ෂකයෙක් විදිහට ඉදිරිපත් වෙනවානේ..’ යනුවෙන් මෙහිදී සජබ මන්ත්රීවරුන් වික්රමසිංහ මහතාට සදහන් කොට ඇති බවද දැනගන්නට තිබේ.
