පවතින ආර්ථික අර්බුදය හමුවේ දිස්ත්රික්කයේ පැවැති වී මෝල් දහසක් අතරින් මේ වන විට ක්රියාත්මක වන්නේ වී මෝල් 70ක් පමණක් බව සුළු හා මධ්යම ප්රමාණ වී මෝල් හිමියන්ගේ සංගමය පවසනවා.
එම සංගමය කැඳවා තිබූ මාධ්ය හමුවකදී ඔවුන් ප්රකාශ කළේ සක්රීයව පවතින වී මෝල් 70ටද සහල් නිෂ්පාදනය කළ හැක්කේ තවත් සති දෙකක කාලයක් සඳහා පමණක් බවයි.
ඉදිරියේ දී සහල් හිඟතාව ඔඩුදුවන පසුබිමක සහල් පටවා ගත් ලොරි රථ හෝ මාර්ගයේ ධාවනය කළ නොහැකි තත්ත්වයක් ඇති විය හැකි බවත්, සහල් හිඟය නිසා ජනතාව එම ලොරි රථවලට පහරදීමේ අවදානමක් පවතින බවත් එම සංගමය පෙන්වා දෙනවා.
කෘෂි ව්යාපාර කටයුතු අඩාල වීම හේතුවෙන් මේ වනවිට සහල් මෝල් හිමියන්ට සිය ණය වාරික හෝ ගෙවීමට නොහැකි තත්ත්වයක් උද්ගතව පවතින බවද මෙම මාධ්ය හමුවේදී අවධාරණය කෙරුණු අතර, රජය මැදිහත් වී ණය ගෙවීමට සහන කාලයක් ලබා නොදුනහොත් නියත වශයෙන්ම බැංකුවලටද මෝල් හිමියන්ගෙන් තර්ජනයක් ඇතිවිය හැකි බවත් සුළු හා මධ්යම ප්රමාණ වී මෝල් හිමියන්ගේ සංගමය අවධාරණය කළා.
