පසුගිය දින කිහිපය තුළ වැඩි මිලට අලෙවි කිරීම සඳහා විශාල ඉන්ධන තොග රැස්කර තබාගෙන සිටි සැකකරුවන් 137 දෙනෙකු අත්අඩංගුවට ගෙන ඇති බව පොලිසිය පවසයි.
පොලිස් මාධ්ය ප්රකාශක, ජ්යෙෂ්ඨ පොලිස් අධිකාරී නීතිඥ නිහාල් තල්දූව මහතා පැවසුවේ, රට පුරා සිදුකළ වැටලීම් 429කදී ඉන්ධන තොග ගබඩා කිරීම සම්බන්ධයෙන් සැකකරුවන් 137 දෙනෙකු පොලීසිය විසින් අත්අඩංගුවට ගෙන ඇති බවත්, එම වැටලීම්වලදී පෙට්රල් ලීටර් 27,000ක්, ඩීසල් ලීටර් 22,000ක් සහ භූමිතෙල් ලීටර් 10,000ක් ද නිලධාරීන් භාරයට ගත් බවත්ය.
වැඩි මිලට නැවත විකිණීම සඳහා ඉන්ධන ගොඩගසා ගන්නා පුද්ගලයන් සම්බන්ධයෙන් මහජනතාවගෙන් ලැබෙන ඔත්තු බැලීම සඳහා සෑම පොලිස් කොට්ඨාශයකටම අනුයුක්ත බුද්ධි නිලධාරීන්ට පොලිස්පති චන්දන ඩී වික්රමරත්න මහතා උපදෙස් ලබාදී ඇති බවද ඒ මහතා පැවසීය.
ඉන්ධන රැස්කර තබා නොගන්නා ලෙස මහජනතාවගෙන් ඉල්ලා සිටින තල්දූව මහතා කියා සිටියේ එවැනි ක්රියාවන්හි නිරතවන්නන්ට එරෙහිව දැඩි නීතිමය ක්රියාමාර්ග ගන්නා බවයි.
මෙවැනි භාණ්ඩ තොග ගබඩා කරන්නන් පිළිබඳව 118, 119 හෝ 1997 යන ක්ෂණික දුරකථන අංක ඔස්සේ පොලිසියට දැනුම් දෙන ලෙසද ඔහු මහජනතාවගෙන් ඉල්ලා සිටියේය.
