වෘත්තිය සමිති රැසක් ආරම්භ කළ හර්තාල් ව්යාපාරය මේ වන විට ක්රියාත්මකයි. මේ හේතුවෙන් සෞඛ්ය, ප්රවාහන, අධ්යාපන, කර්මාන්ත ඇතුලු ක්ෂේත්ර රැසකට එල්ලවී ඇත්තේ දැඩි බලපෑමක්. දුම්රිය ධාවනය ඉතා අවම මට්ටමින් සිදුවන අතර ලංගම බස් රථ ධාවනය ද සාමාන්ය පරිදි සිදුවන්නේ නැහැ.
බොහෝ පෞද්ගලික බස් රථ ද අද දිනයේ ධාවනයෙන් ඉවත්වී තිබෙනවා. ගුණසිංහපුර ලංගම ප්රධාන බස් නැවතුම්පළේ බස් රථ ගාල් කර තිබුණද වෙනදා මෙන් බස් රථ ධාවනය සිදුනොවන අයුරුයි දැකගත හැකි වුණේ.
කොටුව දුම්රිය ස්ථානයේ පැයකට ආසන්න කාලය තුළ කිසිදු දුම්රියක් ධාවනය වූයේ නැහැ.
මේ අතර අධිවේගී මාර්ගවල ප්රවේශපත්ර කවුළුවල සේවය කරන සේවකයින් අද සේවයට වාර්තා කර තිබුණේ නැහැ. ඒ හේතුවෙන් බොහෝ ස්ථානවලින් ජනතාව අද පෙරවරුවේ ගමන් කළේ කිසිදු ගාස්තුවක් ගෙවීමකින් තොරවයි.
එම තත්ත්වය මේ වන විට යථාතත්ත්වයට පත් කරමින් ඇති බවයි මාර්ග සංවර්ධන අධිකාරියේ ජේ්යෂ්ඨ ප්රකාශකයෙකු පැවසුවේ.
මේ අතර දිවයින පුරා හදිසි සහ අත්යවශ්ය ප්රතිකාර හැර සෙසු සෞඛ්ය සේවා ද රෝහල් පද්ධතිය තුළ සිදු නොවන බවයි වාර්තාකරුවන් පැවසුවේ.
පැසැල් වෙත ගුරුවරුන් පැමිණීම ඉතා අවම වී ඇති අතර පාසැල් පැමිණීමේ අපේක්ෂාවෙන් සිටි ඇතැම් ගුරුවරුන්ට ද අද දින පාසැල් වෙත වාර්තා කිරීමට නොහැකිවී ඇත්තේ ප්රමාණවත් පරිදි බස් රථ පහසුකම් නොමැතිවීම හේතුවෙන්.
පාසැල් ළමුන් ප්රවාහන සේවා ද අද ක්රියාත්මක වූයේ නැහැ. දරුවන් පාසැල් වෙත පැමිණීම ද ඉතා අවම මට්ටමක පැවතුණා.
බොහෝ ප්රධාන නගරවල කඩ සාප්පු සියල්ල සම්පූර්ණයෙන් ම වසා දමා තිබෙනවා. ආර්ථික මධ්යස්ථාන වෙත එළවළු රැගෙන ඒමද අද අතිශය සීමාවී තිබුණා. එළවළු තොග ප්රමාණවත් පිරිදි නොපැමිණීම හේතුවෙන් එළවළු බෙදා හැරීම ද අද සිදු වූයේ ඉතා අවම මට්ටමින්. ඇතැම් ප්රදේශවල විරෝධාතා ද පැවැත්වෙනවා.
මීට අමතරව විදුලි, බැංකු, තැපැල්, පරිපාලන ඇතුලු ක්ෂේත්ර රැසක වෘත්තිය සමිති මෙම හර්තාල් ව්යාපාරයට එක්වී තිබෙනවා.
අද දිනයේ ක්රියාත්මක හර්තාල් ව්යාපාරයට සහය පළ කරමින් කටුනායක ආයෝජන ප්රවර්ධන කලාපය ඉදිරිපිටද අද පෙරවරුවේ උද්ඝෝෂණයක් ද ආරම්භ කළා.
අද දිනයේ කටුනායක ආයෝජන ප්රවර්ධන කලාපයේ කර්මාන්තශාලා බහුතරයක් වසා දැමීමටයි කටයුතු කර තිබුණේ.
අද දිනයේ එක්දින සේවාව ඇතුලු සියලුම මහජන සේවාවන් ක්රියාත්මක නොකරන බවයි පුද්ගලයින් ලියාපදිංචි කිරීමේ දෙපාර්තමේන්තුව පැවසුවේ.
