ගොවීන්ගේ කැකෑරෙන ගැටලු තමා ජනාධිපතිවරයා හමුවේ තැබීමට ඉදිරිපත් වූයේ ගොවි විප්ලවයක් හෝ අරගලයක් ඇතිවන දිනය වැඩි ඈතක නොවන නිසා බව සිය රාජ්ය අමාත්ය ධූරයෙන් ඉවත් වෙමින් රොෂාන් රණසිංහ මහතා ජනාධිපතිවරයා වෙත දැනුම් දී ඇත.
පිටු 5කින් සමන්විතව කරුණු ගණනාවක් ඉදිරිපත් කරමින් ඔහු ජනාධිපතිවරයා වෙත යවා ඇති ලිපියේ වැඩිදුරටත් දැක්වෙන්නේ වැඩ කරන ජනතාවගේ ප්රධානතම බලවේගයක් වූ ගොවි ජනතාව වෙනුවෙන් සිංහල දෙමළ අලුත් අවුරුද්දට පෙර සාධාරණයක් ඉටු කිරීමට හැකිනම් එය ඉතා අගය කරන බවත් එසේත් නොමැතිනම් අවම වශයෙන් අප්රේල් මාසය තුලදීවත් එම තීන්දුව ගත යුතු බව සිහිපත් කර සිටින බවය.
