ෆිච් රේටිංග්ස් ආයතනය විසින් ශ්රී ලංකාවේ ණය ශ්රේණිගත කිරීම තවදුරටත් පහත හෙළා තිබෙන අතර එම ආයතනය ලෝකයම පිළිගන්නා ශ්රේණිගතකිරීම ආයතනයක් බවත්, එසේ වුවත් ශ්රී ලංකාවේ මහ බැංකු අධිපතිවරයා එය පිළි නොගැනීම හාස්යයට කරුණක් බවත් විපක්ෂ නායක සජිත් ප්රේමදාස මහතා පවසයි.
මේ ශ්රේණිගත කිරීම් සිදු කරනුයේ විද්යාත්මක ක්රමවේදයක් තුළින් සත්ය මත පදනම් වූ දත්ත අරගෙන බව පැවසූ විපක්ෂ නායකතුමා ඒවා බොරු යැයි කියන්නට කිසිවෙකුට බැරි බව ද පැවසීය.මහබැංකු අධිපතිවරයාගේ ආණ්ඩුව විසින් කරනු ලබන ජිල්මාට් ඇන්දවීම, ලෝකයේ කීර්තිමත් ආයතනයක් විසින් ද සිදු කරනු ඇතැයි ඔහු කල්පනා කරනවා වන්නට පුළුවන් යැයි පැවසූ විපක්ෂ නායකතුමා, මෙවැනි කටයුතු මේ ආණ්ඩුවට පුළුවන් වුණාට ලෝකය පිළිගත් දත්ත මත පදනම් වූ විද්යාත්මක ආයතනයක් තුළින් එවැන්නක් සිදු වන්නේ නැතැයිද පැවසීය.
ලංකාවේ මේ වන විට ඇති ඩොලර් සංචිතය ඇමෙරිකානු ඩොලර් බිලියන 1.6 ක් බව පැවසූ විපක්ෂ නායකතුමා ද්රවශීලී වශයෙන් ඇති ඩොලර් ප්රමාණය බිලියන 1.1 ක් බවද පැවසීය. දෙසැම්බර් සහ ජනවාරි මාස දෙක තුළ පමණක් බිල් වශයෙන් ගෙවිය යුතුව ඇති මුදල අමෙරිකානු ඩොලර් බිලියන 1.3ක් වන අතර ලබන වසරේ සමස්තයක් ලෙස ඩොලර් බිලියන 6.7ක් ගෙවන්නට සිදුව ඇතැයිද පැවසීය.
6.3 ගෙවන්නට අවශ්යව තිබියදී අප සතුව ඇත්තේ1.1නම් එතනින් එහාට කවර කතාදැයි විපක්ෂ නායකතුමා විමසා සිටියේය.
විපක්ෂ නායක සජිත් ප්රේමදාස මහතාගේ සංකල්පයක් ලෙස ක්රියාත්මක නගරයෙන් නගරයට ගමින් ගමට දොරින් දොරට වැඩසටහනෙහි තවත් අදියරක් අද හම්බන්තොට ,කාසින්ගම ප්රදේශයේ දී පැවති අතර එහිදී විමසුමට ලක් කළේ එම ප්රදේශයේ ගොවි ජනතාව මුහුණ දෙන ගැටලු පිළිබඳව ය.
විශේෂයෙන්ම ප්රදේශයේ ගොවි ජනතාව මුහුණ දෙන ගැටලු පිළිබඳව එහිදී විපක්ෂනායකතුමන්ව දැනුවත් කිරීමට ද පිරිස අමතක කළේ නැත.
