අන්තර්ජාතික පාපන්දු සම්මේලනයේ සභාපති ජියානි ඉන්ෆැන්ටිනෝ ශ්රී ලංකා සංචාරයේදී පැළඳි සිංහ කොඩිය මුද්රණය කළත මුව ආවරණය සම්බන්ධයෙන් ශ්රී ලංකා පාපන්දු සම්මේලනය කරුණු පැහැදිලි කිරීමක් සිදු කර ඇත.
සම්මේලනයේ සභාපති ජස්වර් උමාර් නිවේදනයක් නිකුත් කරමින් සඳහන් කරන්නේ අන්තර්ජාතික පාපන්දු සම්මේලනයේ සභාපතිවරයා එවැනි මුව ආවරණයක් පැළඳ තිබුණේ ශ්රී ලංකාව කෙරෙහි ඔහු තුළ ඇති ගෞරවයට සහ ආදරයට බවයි.
ඒ මිස එවැන්නක් පැළඳ ඇත්තේ අන්කිසිවක් නිසා නොවන බව ඔහු කියයි.
අන්තර්ජාතික පාපන්දු සම්මේලනයේ සභාපතිවරයා ජනාධිපති ගෝඨාභය රාජපක්ෂ සහ අග්රාමාත්ය මහින්ද රාජපක්ෂ හමුවූයේ සිංහ කොඩිය මුද්රණය කළ මුව ආවරණය පැළඳගෙනය.
මෙම සිදුවීමෙන් කිසියම් පාර්ෂවයකට හෝ කිසියම් පුද්ගලයෙකුට සිත් රිදවීමක් හෝ සමාජයේ වැරදි මතයක් ගොඩනැගුනේ නම් ශ්රී ලංකා පාපන්දු සම්මේලනය වෙනුවෙන් සහ ක්රීඩා අමාත්යවරයා වෙනුවෙන් තමන් ජනතාවගෙන් සමාව අයැද සිටින බව ශ්රී ලංකා පාපන්දු සම්මේලනයේ සභාපති ජස්වර් උමාර් පවසයි.
මෙය දේශපාලන හෝ ජාතිවාදී කරුණක් ලෙස හුවා නොදක්වන ලෙසද ඔහු ඉල්ලීමක් කර ඇත.
