ඩොලර් අර්බුදය හමුවේ ගෑස් හා කිරිපිටි ආනයනයට බාධා එල්ල වී ඇතැයි පාරිභෝගික ආරක්ෂණ අමාත්යාංශය පවසයි.
එහි ලේකම් කේ.ඩී.එස්. රුවන් චන්ද්ර මහතා සඳහන් කළේ, මෙම තත්ත්වය සමතයකට පත් කිරීමට මහ බැංකුව මැදිහත් විය යුතුව ඇති බවයි.
විදේශ විනිමය මෙරටට නොලැබීමේ තත්ත්වය තුළ මෙම අර්බුදය මතුව ඇතැයි ඔහු පෙන්වා දෙයි.
මේ අතර අප කළ විමසීමකදී මුදල් අමාත්යාංශ ලේකම් එස්.ආර්. ආටිගල මහතා සඳහන් කළේ, ඩොලර් හිඟය හේතුවෙන් මෙවැනි තත්ත්වයක් ඇතිව නොමැති බවයි.
මේ වනවිට ගෑස් නෞකාවක් රටට පැමිණ ඇති බැවින් ගෑස් හිඟය කඩිනමින් යථා තත්ත්වයට පත්වනු ඇතැයි ද, ඔහු ප්රකාශ කළේ ය.
එස්.ආර්. ආටිගල මහතා වැඩිදුරටත් පැවසුවේ, රටට අවශ්ය කිරිපිටි තොග පවතින බවට මෙරටට කිරිපිටි සපයන ප්රධාන සමාගම ද දැනුම් දුන් බවයි.
කෙසේ වෙතත් ප්රදේශ රැසක ජනතාව ගෑස් සහ කිරිපිටි ලබා ගැනීමේ අපේක්ෂාවෙන් තවදුරත් පෝලීම්වල රැඳී සිටින බව වාර්තා වේ.
