ආසියානු සංවර්ධන බැංකුව (ADB) විසින් අප්රේල් මාසයේදී ඇස්තමේන්තු කරන ලද 2021 ශ්රී ලංකාවේ දළ දේශීය නිෂ්පාදිතයේ වර්ධන වේගය 4.1% සිට 3.4% දක්වා පහත හෙලා තිබේ.
මෙම පහත හෙලීම ඇතුළත් කර ඇත්තේ ඊයේ නිකුත් කළ ආසියානු සංවර්ධන බැංකුවේ ‘ආසියානු සංවර්ධන දැක්ම’ (ADO) යාවත්කාලීනයේ ය.
අප්රේල් යාවත්කාලීන කිරීමේදී සිදු කරන ලද 2022 වර්ධන පුරෝකථනය 3.6% සිට 3.4% දක්වා අඩු කර තිබේ.
මෙහිදී දකුණු ආසියාවේ මෙන්ම සංවර්ධනය වෙමින් පවතින ආසියාවේ සියළු රටවල සංවර්ධනය අගයන් පහත වැටී තිබේ.
දකුණු ආසියාවේ වර්ධන අනාවැකිය 2021 දී 9.5%ක් ලෙස කලින් ඇස්තමේන්තු කර තිබුණද මේ වනවිට එය 8.8% දක්වා අඩු කර ඇත. කෙසේ වෙතත්, ලබන වසරේදී, ආසියානු සංවර්ධන බැංකුව අපේක්ෂා කරන්නේ මේ වසරේ අප්රේල් මාසයේදී හෙළිදරව් කරන ලද 6.6% තක්සේරුවට සාපේක්ෂව දකුණු ආසියාව 7% කින් වර්ධනය වනු ඇති බවයි.
2020 දී දකුණු ආසියානු ආර්ථිකයන් 5.6% කින් හැකිලුණු අතර ශ්රී ලංකාව 3.6% ක පහත වැටීමකට ලක් විය.
