පාරිභෝගික සේවා අධිකාරියේ විධායක අධ්යක්ෂ ධූරය දැරූ තුෂාන් ගුණවර්ධන මහතා සිය තනතුරෙන් ඉල්ලා අස්වීමට පැයකට පෙරාතුව ඉල්ලා අස්වීමට බලපෑ හේතු සියල්ල රටට අනාවරණය කිරීමට පියවර ගෙන ඇත.
එහිදී තමන් නිවැරදිව කටයුතු කිරීම හේතුවෙන් මරණීය තර්ජන පවා එල්ල වූ බවද හෙතෙම සදහන් කළේය.
වරෙක අමාත්ය බන්දුල ගුණවර්ධන මහතා සහ ලසන්ත අලගියවන්න යන මහත්වරුන් තමන්ට විරුද්ධව කැබිනට් මණ්ඩලයේ පවා අදහස් පළ කොට තිබූ බව ඒ මහතා සදහන් කොට තිබිණ.
සුදුලූණු වංචාව පිළිබදව තමන්ට පළමු ඇමතුම ලැබූණු බවත්, සතොස කිහිප දෙනකුම ඊට සම්බන්ධව සිටි බවත් කී ගුණවර්ධන මහතා ඉන් අනතුරුව තමන්ට තනතුරෙන් ඉවත් වන ලෙසට බලපෑම් සහ මරණ තර්ජන පවා පැමිණි බව කියා සිටියේය.
තමන්ට ඇති මරණ තර්ජන පිළිබදව අපරාධ පරීක්ෂණ දෙපාර්තමේන්තුවට පැමිණිලි කළත් ඒ පිළිබදව කිසිදු විමර්ශනයක් සිදු නොවුණු බවද ප්රකාශ කළේය.
මේ ආකාරයටම කලින් සීනි, උදු, පිටි කන්ටේනර් පිටින් පන්නා ඇති බවත්, කාලයක් තිස්සේම මේ වංචාව සිදුවෙමින් පවතින බවත් ඒ මහතා කීය.
මෙම සුදුලූණු කන්ටේනරයේ වටිනාකම ලක්ෂ 76ක් බවත්, එම මුදල් කිසිදු ලිපිලේඛනයකින් තොරව සේප්පුවේ බහා තිබූ බවත්, ඊට ඉහළ පෙළේ බොහෝ දෙනා සම්බන්ධ බවත් ඒ මහතා කියා සිටියේය.
මෙම පුද්ගලයන් කිහිප වතාවක්ම වැඩ තහනමට ලක්ව ඇති නමුත් ඔවුන් නැවත සේවයේ යොදවා ඇති බවද ඒ මහතා පෙන්වා දුන්නේය.
අද සෞභාග්යයේ දැක්ම ක්රියාත්මක නොවන බවද ඒ මහතා කීය.
මේ වනවිට ලසන්ත අලගියවන්න අමාත්යවරයා පාන්පිටි සීනි සහ සිමෙන්ති මිල ගණන් සම්බන්ධයෙන් පාරිභෝගිකයන්ට අවාසි සහගත ලෙස ව්යාපාරිකයන් සමග ගිවිසුම් අස්සන් කිරීමට සැලසුම් කර ඇති බවත්, තමන් ඊට විරුද්ධ වූ බවත් ඒ මහතා පෙන්වා දුන්නේය.
