පාස්කු ප්රහාරය සම්බන්ධයෙන් ගවේෂණාත්මක ලිපි රැසක් පළ කළ මාධ්යවේදියකුට ‘ප්රභාකරන්ට සිදුවූ දේ මතකද’ යනුවෙන් අසමින් ජ්යෙෂ්ඨ නියෝජ්ය පොලිස්පතිවරයකු දක්වා තිබූ ප්රතිචාරයට විරෝධ්ය පළ කරමින් සමගි ජන බලවේගයේ මාධ්ය අංශය නිවේදනයක් නිකුත් කොට ඇත.
එම සම්පූර්ණ නිවේදනය මෙසේය.
වර්තමාන ආණ්ඩුව මෙන්ම නීතිය හා සාමය සුරැකීමට බැදි සිටින පොලිසියේ ඇතැම් නිලධාරින් මාධ්යවේදින්ට තර්ජනයක් ව තිබිම පිළිබදව සමගි ජන බලවේගයේ දැඩි අවධානය යොමු වී තිබේ.
ගවේෂණශීලි මාධ්යවේදියකු වන තරිදු ජයවර්ධන මහතාට ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් මහතා සිදුකොට ඇති තර්ජනය තුලින් පැහැදිලි වන්නේ එයයි.
තරිඳු ජයවර්ධන මහතා ඒ පිළිබදව පොලිස්පතිතුමාට යොමු කල සවිස්තරාත්මක ලිපියේ පිටපතක් ගරු විපක්ෂ නායකතුමාට ද යොමු කර ඇත. සමාජ මාධ්ය හරහා තරිඳු ජයවර්ධන මහතාට දේශබන්දු තෙන්නකෝන් මහතා තබා ඇති සටහන් නිදහස් මාධ්යකරනයේ නියැලෙන්නට සිදු කරන බලපෑම විශාල වුවක් බව එම සටහන් සමීපව නිරික්ෂණය කරන විට පෙනේ.
මෙම සටහන් අතර දේශබන්දු තෙන්නකෝන් මහතා තරිදු ජයවර්ධන මහතාගෙන් ප්රභාකරන්ට වු දේ මතක ද යන්න විමසිම ඉතාමත් භයානක තත්ත්වයකි.
මේ මොහොතේ රටේ මාධ්යවේදින්ට නිදහසේ ලිවිම, අදහස් පලකිරිම පැහැරගෙන යාමට මෙන්ම ත්රස්තවාදය වැලැක්වීමේ පණත යටතේ රැදවුම් නියෝග ලබාගැනීම දක්වා ව්යාප්තව තිබේ.
දිනෙන් දින ජනතාවගෙන් ප්රතික්ෂේප වන ආණ්ඩුව නැග එන ජනතා විරෝධය මර්දනය කිරිමට ක්රමානුකුලව රාජ්ය ඒකාධිපති පාලනයකට නතු කිරිමට උත්සාහ දරයි. මෙම ක්රියාදාමය තුල පොලිසියේ ඇතැම් නිලධාරීන් සිය පෞද්ගලික අභිමතාර්ථ සපුරා ගැනිමට හෝ එල්ල වී ඇති චෝදනා වලින් මිදිමට අනීතික ලෙස ආණ්ඩුව වෙනුවෙන් ක්රියාත්මක වීම රටේ ජනසම්මතවාදයට මෙන්ම නීතියේ ස්වාධීපත්යට ද අභියෝගයකි.
තරිඳු ජයවර්ධන මහතා පාස්කු කොමිසමේ චෝදනා එල්ල වී ඇති පොලිස් නිලධාරීන් ගැන කැබිනට් මාධ්ය හමුවකදී සහ තවත් මාධ්ය හමුවකදී ප්රශ්න කොට තිබේ. එමෙන්ම ඔහු සිය මාධ්ය තුල පොලිසියේ කටයුතු පිළිබදව ගවේෂණාත්මක ලිපි ගණනක් ද ලියා තිබේ. එම ලිපි කිහිපයක් හා හඩ පට කිහිපයක් ද තරිඳු ජයවර්ධන මහතා පොලිස්පතිවරයාට ඇමිනුමක් ලෙස ලිපිය සමග යොමු කොට තිබේ.
එම ඇමිනුම් විමසා බලන විට ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් මහතාගේ තර්ජනාත්මක ප්රකාශ සුළුවෙන් සලකා බැහැර කල නොහැක.
මන්ද ලසන්ත වික්රමතුංග, ප්රගිත් එක්නැලිගොඩ, සිවරාමි පොද්දල, ජයන්ත උපාලි තෙන්නකෝන් වැනි මාධ්යවේදීන්ට අත්වු ඉරණම තුල එවැනි තත්වයක අදුරු සෙවනැලි මෙවැනි ප්රකාශ තුලින් විද්යමාන වන බැවිනි.
එමනිසා තරිදු ජයවර්ධන මහතා යොමු කොට ඇති ලිපියට අවශ්ය පියවර ගන්නා ලෙසත් ඒ මහතාගේ සහ පවුලේ සාමාජිකයන්ගේ ආරක්ෂාව තහවුරු කරන ලෙසත් පොලිස්පතිතුමා ට දන්වා සිටිමු.
ආණ්ඩුක්රම ව්යවස්ථාවෙන් තහවුරු කොට ඇති නිදහසේ අදහස් පලකිරිමට ඇති අයිතිය තහවුරු කිරිමට ආණ්ඩුව පියවර ගතයුතුය. එසේ නොමැතිව ආණ්ඩුව ක්රියා කරන්නේ නම් එයට එරෙහිව කටයුතු කල හැකි සැම මාර්ගයක් ඔස්සේම පියවර ගැනීමට සමගි ජන බලවේගය කටයුතු කරන බවද අවධාරණය කරමු.
රටේ මානව හිමිකම් පිලිබදව ජාත්යන්තරය ප්රශ්න කරන මොහොතක ආණ්ඩුව ක්රියා කරනුයේ තව දුරටත් අපගේ රට ජාත්යන්තරය තුල හුදෙකලා කිරිමට ද? ජනතාවගේ ජිවිතවලට ආරක්ෂාව පිලිබදව හැගිම ලබාදිය යුතු පොලිසිය එයින් බැහැර විමට ඉඩනොදිම පොලිස්පතිවරයාගේ වගකිම සහ වගවිම බවද අප අවධාරණය කරමු.
මාධ්ය අංශය
සමගි ජන බලවේගය
