රත්මලාන ආසනයේ සමගි ජන බලවේගයේ ආසන සංවිධායක ලෙස කීර්තිමත් වෘත්තීයවේදියෙකු වන ධනුෂ්ක කොඩිතුවක්කු මහතා පත්කරනු ලැබීය.
ඊට අදාළ ලිපිය විපක්ෂ නායක සහ සමගි ජනබලවේගයේ නායක සජිත් ප්රේමදාස මහතා අතින් අද දින සමගි ජන බලවේගය කාර්යාලයේදී ධනුෂ්ක කොඩිතුවක්කු මහතාට පිරිනැමීය .
එක්සත් ජනපදය, චීනය සහ ශ්රී ලංකාවේ ගිණුම්කරණය සහ කලමණාකරණය පිළිබඳව වෘත්තීයමය නිපුණතා දක්වා ඇති හෙතෙම ද්විභාෂා නිපුණයෙකුද වෙයි.
ප්රාථමික හා ද්විතීයික අධ්යාපනය 1992 – 2004 කොළඹ රාජකීය විද්යාලයෙන් හා දකුණු කොරියාවේ සෝල් ජාත්යන්තර පාසැලෙන් ලබා ඇති ධනුෂ්ක කොඩිතුවක්කු මහතා, ඇමරිකා එක්සත් ජනපද කැලිෆෝනියා ප්රාන්ත විශ්ව විද්යාලයේ ගිණුම්කරණය පිළිබඳව විද්යාවේදී උපාධිය ද,එහිම 2009 මැයි මාසයේ පැවති සමුළුවේදී “වසරේ විශිෂ්ටතම ජාත්යන්තර උපාධිධාරියා”ලෙසද නිර්දේශ විය. හෙතෙම, Leicester සරසවියෙන් ව්යාපාර කලමණාකරණය පිළිබඳව ශාස්ත්රපති උපාධියද, හිමිකරගත් වෘත්තීයවේදියෙ කි. මේ වනවිට කොළඹ විශ්වවිද්යාලයේ ආචාර්ය උපාධිය හදාරමින් සිටී.
විවිධ විෂයානුබද්ධ සහ වෘත්තීයමය සුදුසුකම් රැසක් සම්පූර්ණ කොට ඇති ඒ මහතා මෙරට කීර්තිමත් දේශපාලනඥයෙකු වන ආචාර්ය කරුණාසේන කොඩිතුවක්කු මහතාගේ පුතණුවන් ද වෙයි.
දශක ගණනාවක් මුළුල්ලේ කොළඹ දිස්ත්රික්කය නියෝජනය කරමින් පාර්ලිමේන්තුවට තේරී පත් වූ කරුණාසේන කොඩිතුවක්කු මහතා විවිධාකාර අමාත්යධුර රැසක් දැරූ කෘතහස්ත දේශපාලඥයකු වෙයි.
