ගෝඨාභය අමෙරිකාවේ ඉදලා ලංකාවට ආවේ 2005 ජනාධිපතිවරණයේදී මහින්ද දිනවන්න වැඩ කරන්නටය. මහින්ද ගෝඨාභයට 2005 කැම්පේන් එකේදි බාරදුන්නේ කුරුණෑගල දිස්ත්රික්කයේ හමුදා පවුල්වල සාමාජිකයන්ගේ ජන්ද මහින්දට හරවන මෙහෙයුමය. මොකද කුරුණෑගල කියන්නේ ලංකාවේ වැඩිම රණවිරු පවුල් සිටින දිස්ත්රික්කයය. ගෝඨාට හමුදාවත් එක්ක තියෙන ලේ නෑකම නිසා මහින්ද බාර දුන් වැඩේ අකුරටම ඉටු කළ ගෝඨාභය 2005 ජන්දෙන් මහින්දට කුරුණෑගල අත උඩින් දිනවා දුන්නේය.
හැබැයි මහින්ද දින්නාට පසු ගෝඨා කළේ සුපුරුදු පරිදි නැවතත් අමෙරිකාවට යන්නට ටිකට් බුක් කිරීමය. එසේ ටිකට් බුක් කොට මහින්ද හමුවට ගිය ගෝඨාභය තමන් අමෙරිකාවට යන බව පැවසුවත් මහින්ද ඊට ඉඩ දුන්නේ නැත. මහින්ද කීවේ තමන් ආරක්ෂක ලේකම් ධූරය ගෝඨාට දීමට තීන්දු කර ඇති බවත්, ඒ නිසා බුක් කළ ටිකට් කැන්සල් කොට ආරක්ෂක ලේකම් ධූරයේ රාජකාරී බාරගන්නා ලෙසටය.ගෝඨා ආරක්ෂක ලේකම් ධූරය භාරගත්තේ ඒ විදිහටය.
කොහොම හරි ආරක්ෂක ලේකම් ධූරයේ දිව්රුම් දී ගෝඨා පළමු වතාවට ත්රිවිධ හමුදාවල ඒ වනවිට සිටි ඉහළ පෙළේ නිලධාරීන් සියල්ල කැදවා සාකච්ජාවක් පැවැත්වීමට පියවර ගත්තේය.
සාකච්ජාවේ මාතෘකාව වූයේ එල්ටීටීඊය යුදමය වශයෙන් පරාජයට පත් කිරීමය.
‘මේ යුද්දේ අපි කොහොමහරි දිනන්න ඕනෙ.’
ගෝඨා තම පළමු සාකච්ජාවේදීම හමුදාවේ උසස් නිලධාරීන්ට කිව්වේ එහෙමය.
‘මෙයා මේ අමෙරිකාවේ ඉදන් ඇවිත් පිස්සු දොඩවනවා. මෙයා ලංකාවේ හිටියට තාම හිත තියෙන්නේ අමෙරිකාවෙද කොහෙද? අමෙරිකාවේ හමුදාව නම් ඉතින් යුද්ධ කළොත් උඩින් දිනයි. ඒත් අපේ හමුදාව කොහේ යුද්ද දිනන්නද?
මේ එම සාකච්ජාව ඉවර වෙලා එළියට ආපු හමුදාවේ හිටපු උසස් නිලධාරීන් හක හක ගගා හිනාවෙවී කියපු කතාවය. එදා හිටපු හමුදාවේ ඉහළ නිලධාරීන්ගේ ඔළුව හැදිලා තිබුණේ එහෙමය. පස්සේ කාලෙක ඒ සාකච්ජාවේ හිටපු එක හමුදා නිලධාරියෙක් මේ කතාව ප්රසිද්ධියේම කියා සිටියේය.
ගෝඨාභය හමුදාවේ ප්රධාන නිලතලයන් වෙනස් කරන්න තීන්දු කළේ මේ සාකච්ජාවෙන් පසුවය. එහෙම ඉවත් කරලා දක්ෂතා දක්වා ඉදිරියට එන තරුණ හමුදා නායකත්වයන් සමග ප්රභාකරන් එක්ක යුද්ධ කරන්න ගෝඨා සැලසුම් සකස් කළේය.
ඒ අනුව පළමුවෙන්ම යුද හමුදාපති විදිහට සරත් ෆොන්සේකා අරන් එන්න ගෝඨාභය කටයුතු කළේය.
නාවික හමුදාපති විදිහට කරන්නාගොඩ අරගෙන ආවේය.
ගුවන් හමුදාපති විදිහට රොෂාන් ගුණතිලක පත් කළේය.
හැබැයි ත්රිවිධ හමුදාව උඩු යටිකුරු කොට ප්රභාකරන්ට එරෙහිව යුද්ධ කරද්දීත් මේ හමුදාවේ හිටපු ජ්යෙෂ්ඨ නිලධාරීන් ගෝඨාභයට සමච්චල් කරන එක නතර කළේ නැත. මේ නිලධාරීන් එකතු වෙලා මහින්දට ලියුමක් ලීවේය.
‘ මේ යුද්ධය දිනන්න බෑ. ෆොන්සේකා හමුදාපති විදිහට කොල්ලන්ට ඉස්සරහට යන්න කියනවා. කොටි අපේ කොල්ලන්ව මරනවා. ඒ කොල්ලො ගමට එන්නෙ පෙට්ටිවල. ඒ නිසා ජනාධිපති විදිහට ඔබතුමා ඉක්මනින්ම මැදිහත් වෙන්න. එහෙම නොවුණොත් ආණ්ඩුවත් ඉවර වේවි…!’
මේ හමුදා නිලධාරීන් මහින්දට ලිව්වේ එහෙමය.
හැබැයි මහින්ද ගෝඨාභයගේ අයියා නිසා මේ ලියුම වැඩිය ඔළුවට ගත්තේ නැත. ගෝඨාභයටත්, ත්රිවිධ හමුදාපතිවරුන්ටත් සැලැස්මට අනුව යුද්ධය ඉදිරියට කරගෙන යන්න මහින්ද ඉඩ ප්රස්ථාව හදා දුන්නේය. කාගෙ කගේත් ඇස් ඇරුණේ ගෝඨා ඒ විදිහට ගිහින් යුද්ධය දින්නාට පසුවය.
අද ඒ ගෝඨාභය මේ රටේ ජනාධිපතිය. එදා වගේම අමාරු යුද්ධයකට නැවත වතාවක් ගෝඨාභය අත ගසා තිබේ. ඒ රසායනික පොහොර භාවිතයෙන් රට මුදාගෙන කාබනික පොහොර වගාවට මේ රට හුරු කිරීමය.
එදා යුද්ධය දිනන්න ඕනෙ කියලා ගෝඨාභය කියද්දී හමුදාවේ හිටපු උසස් නිලධාරීන් හිනාවුණා වගේ අදත් ගෝඨාභය රසායනික පොහොර නතර කරන්න නියෝග කරද්දී මේ රටේ ඉන්න කෘෂි ක්ෂේත්රයේ සමහර බකපණ්ඩිතයන් වගේම විපක්ෂයේ ඉන්න සමහරු ගෝඨාභයට හිනාවෙන්නේ මේක කරන්න බැරි වැඩක් කියලාය.
හැබැයි අදත් ගෝඨා මේ අලුත් යුද්ධයට නියෝග දෙන්නේ එදා යුද්ධ කරන්න කියලා නියෝග දුන් විදිහටමය.
‘“ඉදිරි පරම්පරාව වෙනුවෙන් අපි යා යුතු තැන මෙතෙන. මේක දුෂ්කර වුණත් බැනුම් අහගෙන හරි ජනතාවට මේක කියලා දෙන්න ඕනේ. මේක මගේ හදිසි තීරණයක් නෙමෙයි. මේක අපේ සෞභාග්යයේ දැක්මේ පැහැදිලිව ම කියලා තියෙනවා. අයවැයේ දී පැහැදිලිව කිව්වා අපි මෙතැනට යන්නේ කියලා. මම මේක තීරණයක් අරගෙන තියෙනවා. මේක රටට නෙමෙයි ලෝකයට ම හොඳ දෙයක්. නරක දෙයක් නම් මට ඕන නෑ. මේක හොඳ දෙයක්. ගහලා එලෙව්වත් ගුටි කාලා හරි වැඩේ කරන්න ඕනේ.“
මේ ගෝඨා ඒ ගැන තිබ්බ රැස්වීමේදී කෘෂි නිලධාරීන්ට දුන් උපදෙසය.
ගෝඨා ගත් මේ තීන්දුවට අද විපක්ෂය මොනවා කිව්වත් රටට ආදරය කරන මිනිස්සුත්, ජාත්යන්තරයත් ගෝඨාගේ මේ රසායනික පොහොර තහනමට විශේෂ ප්රශංසාවක් දැනටමත් සිදු කොට හමාරය.
එක්සත් ජාතීන්ගේ සංවිධානය මගින් මේ පිළිබදව ප්රශංසා කොට ගෝඨාට පරිසර සමුළුවක දේශනයක් පවත්වන ලෙස ආරාධනා කළේය.
ඉන්දියාවේ මහාචාර්යවරියක් ගෝඨාගේ මේ ක්රියාව ඉතා ඉහළින් අගය කරමින් කතා කරන ආකාරය මාධ්යවල පළවිය.
ඉතින් ගෝඨා තමන්ගේ පළමු යුද්ධය නොයෙක් බාධක මැද ජයගත්තා සේ මේ දෙවන යුද්ධයත් ජයගත්තොත් ඊළග නොබෙල් තෑග්ග හිමිවන්නේ වෙන කාටවත් නොව ගෝඨාටය.
විමලසිරි ජයලත්
