කාබනික පොහොර යැයි කියා මෙරටට ආනයනය කිරීමට සුදානම් වන්නේ චීනයේ නාගරික කසල බවත්, හිතුවතුන් පිරිසකගේ ව්යාපාරික අරමුණු ඉටු කර දීමේ අපේක්ෂාවක්ද මෙහි ඇති බවත් ජනතා විමුක්ති පෙරමුණේ පාර්ලිමේන්තු මන්ත්රී විජිත හේරත් මහතා පැවසීය
මාධ්යට අදහස් දක්වමින් ඒ මහතා පැවසුවේ කාබනික පොහොර පිළිබඳ විශේෂ ජනාධිපති කාර්ය සාධක බලකායේ සාමාජිකයින් 46 දෙනා අතර කෘෂිකර්මාන්තය පිළිබඳ දැනුමැති ආචාර්ය, මහාචාර්යවරු මෙන්ම සිතා ගත නොහැකි විවිධ සාමාජිකයින් කිහිප දෙනෙකු ද එහි සිටින බවය.
”දැන් මේ මොකක්ද කරන්න යන්නේ. පිටරටින් කාබනික පොහොර ආනයනය කරන්න, ආනයනය කරනවා කියලා කොහෙන් ද ගේන්න යන්නේ, චීනයෙන් නාගරික කසල. ඒවා මේ කාබනික පොහොර නෙමෙයි. කවුරුත් දන්න දේ තමයි චීනයේ නාගරික කසල බැහැර කරලා ඒ කසල උඩට යූරියා ඉහලා ඒ කන්ටේනර් ටැංකිවලට යූරියා ස්ප්රේ කරලා, ඒක තමයි නයිට්රජන් ප්රමාණය ඔන්න දැන් තියෙනවා කියලා ලෝකේ බොහො රටවලට කාබනික පොහොර කියලා යවන්නේ.”
තව ද මන්ත්රීවරයා සඳහන් කළේ එමගින් රසායනික පොහොරවලින් සිදු වන විනාශයට නොදෙවැනි විනාශයක් සිදුවන බවයි.
”ඒක රසායනික පොහොරවලින් වන විනාශයට නොදෙවැනි විනාශයක් ඒ හරහා සිද්ධ වෙනවා. එක පැත්තකින් මේක බිස්නස් එකක් කරගන්නවා. තමන්ගේ හිතවත්තු තමන්නේ චෞර වලල්ලේ කට්ටියව දාලා පොහොර ආනයනය කරන්න, ඒ කට්ටියට අවස්ථාව දෙනවා”
