අගමැති මහින්ද රාජපක්ෂ මහතා හා හිටපු අගමැතිවරයෙකු මෙන්ම එක්සත් ජාතික පක්ෂයේ නායකයාද වන රනිල් වික්රමසිංහ යන මහත්වරුන් අතර සුවිශේෂි හමුවක් බෙන්තොටදී සිදුව ඇති බව අනාවරණය වේ.
පවතින දේශපාලන තත්ත්වය සම්බන්ධයෙන් සාකච්ජා කිරීම සදහා රනිල් වික්රමසිංහ මහතා විසින් සාකච්ජාවක් ලබා දෙන ලෙසට කිහිප වතාවක්ම අගමැතිවරයාගෙන් කර තිබූ ඉල්ලීමකට අනුව මෙම හමුව සිදුව ඇති බව දැනගන්නට තිබේ.
ඒ අනුව ඉකුත් සෙනසුරාදා (13) දින වික්රමසිංහ මහතා නැවතත් අගමැතිවරයාට කතා කොට ඒ පිළිබද විමසා ඇති අතර එහිදී අගමැතිවරයා දැනුම් දී ඇත්තේ තමන් එදින බෙන්තොට අගමැති නිල නිවසේ රැදී සිටින බවත්, පැමිණීමට හැකි නම් දිවා භෝජනයද තමන් සමග ගත හැකි බවත්ය.
මෙම බෙන්තොට අගමැති නිලනිවෙස වික්රමසිංහ මහතා විසින් 2001 වසරේ අගමැතිවරයා වශයෙන් සිටියදී ප්රතිසංස්කරණය කරන ලද්දකි.
ඒ අනුව වික්රමසිංහ මහතාද එදින බෙන්තොට බලා ගොස් අගමැතිවරයා සමග නිදහසේ පවතින දේශපාලන වටපිටාව පිළිබදව සාකච්ජා කොට ඇති බව වාර්තා වේ.
කෙසේවෙතත් දිවාභෝජනය සදහා සූදානම් කොට තිබී ඇත්තේ බුරියානිය. අගමැතිවරයාට බොහෝ හිතවත් ව්යාපාරිකයකු විසින් මෙම දිවා භෝජන සංග්රහය ලබා දී ඇති බව දැනගන්නට ඇත.
ඒ අනුව අගමැතිවරයා හා රනිල් වික්රමසිිංහ යන මහත්වරුන් එක්ව බුරියානි වේලක රස විද ඇති බව වාර්තා වේ.
කෙසේවෙතත් මීට පෙර වතාවන්හිදී මහින්ද රාජපක්ෂ මහතා සහ රනිල් වික්රමසිංහ යන මහත්වරුන් අතර සිදුවූ සාකච්ජාවන්හිදී ප්රසිද්ධම පානය බවට පත්ව තිබුණේ ‘කළු කෝපිය’.
මෙම සිදුවීමත් සමග එය ‘බුරියානි’වලට මාරු වී ඇති බවක් දැකගන්නට තිබේ.
