ජනාධිපති ලේකම් කාර්යාලයේ ඊයේ (05) පස්වරුවේ පැවැති ආණ්ඩු පක්ෂ මන්ත්රී කණ්ඩායම් රැස්වීමට ජනාධිපති ගෝඨාභය රාජපක්ෂ මහතා හෝ අගමැති මහින්ද රාජපක්ෂ මහතා හෝ සහභාගී වී නොමැති බව වාර්තා වේ.
ඊයේ සවස 6.30ට ආණ්ඩු පක්ෂ මන්ත්රී කණ්ඩායම් රැස්වීම ආරම්භ වූ අතර රැස්වීම ආරම්භයේදීම ඊට ජනාධිපතිවරයා සහ අගමැතිවරයා සහභාගී නොවන බවට දැනුම් දීමක් කොට ඇත.
ඒ අනුව කණ්ඩායම් රැස්වීම ආණ්ඩු පක්ෂයේ සභානායක අමාත්ය දිනේෂ් ගුණවර්ධන සහ ආණ්ඩු පක්ෂයේ ප්රධාන සංවිධායක ජෝන්ස්ටන් ප්රනාන්දු යන මහත්වරුන් විසින් මෙහෙයවා ඇති බව දැනගන්නට තිබේ.
කොරෝනා වයිරසය යළි රට ඇතුළේ හිස එසවීමත් සමග ජනාධිපතිවරයාත්, අගමැතිවරයාත් විශේෂ රැස්වීම් කිහිපයකට සහභාගී වී සිටීම හේතුකොටගෙන මෙසේ ආණ්ඩු පක්ෂ මන්ත්රී කණ්ඩායම් රැස්වීමට නොපැමිණ ඇති බවද දැනගන්නට ඇත.
