හෙට (20) සිට ක්රියාත්මක වන පරිදි සුදු බිත්තරයක මිල රුපියල් 41ක් සහ රතු බිත්තරයක මිල රුපියල් 42ක් දක්වා ඉහළ දැමීමට සමස්ත ලංකා බිත්තර නිෂ්පාදකයින්ගේ සංගමය තීරණය කර තිබේ.Sri Lanka Latest News
කුලියාපිටියේ පැවති ප්රවෘත්ති සාකච්ඡාවකදී එම සංගමයේ සභාපති සරත් රත්නායක මහතා පෙන්වා දුන්නේ බිත්තර මිල ඉහළ යාම සම්බන්ධයෙන් රජය සහ බලධාරීන් සෘජුව වගකිව යුතු බවයි.
මිල ඉහළ යාමට බලපා ඇති ප්රධාන කරුණු කිහිපයක් ඔහු පෙන්වා දුන්නේය. ඉරිඟු ආනයනය සම්පූර්ණයෙන්ම නතර කිරීම සහ දේශීය නිෂ්පාදනය ප්රමාණවත් නොවීම බිත්තර කර්මාන්තයට දැඩි බලපෑමක් එල්ල කර තිබේ. ඉරිඟු වෙනුවට සහල් වැනි ආදේශක භාවිත කිරීම හේතුවෙන් සතුන්ගේ සෞඛ්යයට සහ ආහාර ජීර්ණ පද්ධතියට බලපෑම් එල්ල වී ඇති අතර, ඒ නිසා නිෂ්පාදනය සියයට 20ත් 30ත් අතර ප්රමාණයකින් පහත වැටී ඇත. එමෙන්ම, කූට වෙළෙඳුන් සත්ත්ව ආහාරවලට රසායනික ද්රව්ය සහ ඖෂධ මිශ්ර කිරීම හේතුවෙන් සතුන් විශාල වශයෙන් මියගොස් ඇත.
මෙම අර්බුදකාරී තත්ත්වය හමුවේ ගොවීන් දැඩි ආර්ථික අපහසුතාවන්ට ලක්ව ඇති බවත්, බලධාරීන් මෙතෙක් ඒ සඳහා නිසි විසඳුමක් ලබාදී නොමැති බවත් සභාපතිවරයා වැඩිදුරටත් චෝදනා කරයි.
