පෙර ලියූ ලිපි අනුව සෞරග්රහ මණ්ඩලයේ කම්කරුවකු නියෝජනය කරන දුර දීර්ඝ අවබෝධය ජීවිතයට උදාකිරීමට සමත් නම ඇසූ පමණින් ඇස් උඩ තියාගන්නා සෙනසුරු ග්රහයා ගැන තව තවත් ඔබව දැනුවත් කළ යුතුයි කියා මට සිතුණේ බොහෝ දෙනාගේ දැනුමට මෙන්ම ප්රායෝගිකව ජීවත් වන අයුරු සෙනසුරු හරහා උදාවන නිසාවෙනි. බොහෝ අවස්ථාවල සෙනසුරු අපට පාඩම් කියා දෙන්නේ සසර ගනුදෙනුවලින් කිසිම ගැලවීමක් අපට නැත යන කරුණු කාරණා පදනම් කරගෙනය. නමුත් කේන්ද්ර පරීක්ෂාවේදී ජන්මියා කෙතරම් දුරට අසරණ වන්නේද, එතරම්ම දුරට පෙරළා ශක්තිමත් වීමට ධෛර්යය සිත් තුළට කාවද්දවමින් බව ඔබ දන්නේ නැතිව ඇති. ඒ නිසා දෛවෝපගත සිදුවීම් දරාගැනීමට සෙනසුරු තරම් පාඩම් කියා දෙන්න කිසිදු ග්රහයෙක් සමත් වන්නේද නැත.Sri Lanka Latest News
සෑම අවුරුද්දකට සැරයක් මෙම සෙනසුරු වක්ර වීම හෙවත් තමා සිටි රාශියෙන් පසුපසට ගමන් කිරීම සිදුවන්නේය. මෙම සෙනසුරුගේ වක්ර වීම සෙනසුරුගේ ස්වභාවය ලෙස සැලකේ. සෙනසුරු ආපසු හරුණු තැන සිට අංශක 7ක් හෝ 8ක් ආපස්සට ගමන් කර නැවතී නැවත ඉදිරියට යෑමට පටන් ගන්නේය. එබැවින් යම් රාශියක තැන්පත් සෙනසුරු මුල් අංශක 7ක් හෝ 8ක් යෑමට කලින් වක්ර වූයේ නම් එවිට එය නවතින්නේ එයට මුල රාශියේද අග අංශක කිහිපයක් දුර ආපසු ගොසින්ය. නමුත් යම් රාශියක සෙනසුරු අංශක 8කට වඩා දුරට ගොස් වක්ර වී නම් එවිට එම රාශිය තුළම වක්ර වීම හා නිවෘත වීම ඒ කියන්නේ ආපස්සට ගොස් නැවත ඉදිරියට පැමිණීම එකවර සිදුවන්නේය. මේ වක්ර ගමන නිසා සෙනසුරුට බොහෝ විට සෑම රාශියකම අග හෝ මුල අංශකවල ළඟ ළඟම තුන් වාරය බැගින් ඉදිරියට හා ආපස්සට ගමන් කිරීමට සිදුවනු ඇත. මේ ක්රමයට රාශි දෙකක සම්බන්ධයක් නැතිව සෙනසුරු යම් රාශියකට ඇතුළු වූ විට එම රාශිය තුළම පමණක් අවුරුදු පතා වක්ර වෙමින් ගමන් කර ඊළඟ රාශියට පැමිණ අනු වක්ර නොවී ගමන් කිරීමක්ද සෙනසුරුගේ ගෝචරයේදී සිදුවීම ඉතා ප්රබල බලපෑමක් මනුෂ්ය ජීවිතයට එල්ල වන බවක් මෙහිලා සඳහන් කළ යුතුමය. එවිට සෙනසුරුගේ බලපෑම තමා සිටි රාශියට අනුව අවුරුදු දෙකහමාරක් නොව අවුරුදු 2යි මාස 2න් පමණ කාලයකදී සෙනසුරුගේ රාශි මාරුව සිදුවන්නේය. සෙනසුරුගේ වක්රය හා නිවෘත වීම යන කාරණා දෙකම හසුවූ විට එක රාශිය දෙවාරයකට හෝ ඇතැම් විට තුන් වාරයකටම ගමන් කළ කාල පරාසය අවුරුදු දෙකහමාරත් අවුරුදු තුනහමාරත් දක්වා දීර්ඝ වන බව ඔබ දන්නේද?
රාශියේ අග කොටසේ ගමන් කරන කාල පරාසය තුළදී සෙනසුරුගෙන් ජන්මියාට ගෙන දෙන්නා වූ සෙනසුරුගේ ගෝචර ඵල විපාක වැඩි වන්නේ මෙකී කරුණු කාරණා පදනම් කරගෙනය. එම වකවානුව තුළදී සෙනසුරුගේ දඬුවම්, පීඩන, අක්රමිකතා, රෝගාබාධ මෙන්ම ඇතැමුන්ගේ පිහිටීම අනුව ජීවිතය උඩු යටිකුරු වී යන අවස්ථාද, දැඩි සත්කාරයේ දුක් විඳ අවසන් හුස්ම හෙළීම පවා සිදුවන අවස්ථාද අපට දැකගන්නට ලැබී තිබේ.
ශනිගේ ගෝචරය ලග්නය හරහා ගමන් කරන කාලය ජන්මියාට ශුභ ඵල හීන කිරීම සිදුවේ. තමා නොකළ වැරැදිවලට හසුවීම, නමට කැළලක් වන දෑ සිදුවීම, තිබුණු ප්රසිද්ධිය නැතිවීම, සමාජයේ පිළිගැනීම පෙරට වඩා අඩුවී යෑම, අඳුරට මුල්ල මුළු ගැන්වූ ස්වභාවයක් ඉස්මතු වීම, උසස් අයගෙන් තමන්ට විපත්ති කරදර ඇතිවීම, පවුලේ අයගෙන් ඈත්වී වාසය කිරීමට සිදුවීම, පදිංචියේ වෙනසක් සිදුවීම, තමාට වඩා පහත් තමන්ට සුදුසු නැති අය සමග ආශ්රය කිරීමට යොමුවීම, නඩුහබ කරදර ඇති වුවහොත් එයින් පරාජයට පත්වීම හෝ දඬුවමට යටත් වීමට සිදුවීම, බලාපොරොත්තු රහිත වියදම් දැරීමට සිදුවීම, ක්රමයෙන් විපත්ති අනතුරුවලට මුහුණපෑමට සිදුවීම, තදබල ලෙස සිතට කරදර ඇතිවීම, තම පවුලේ කෙනකුට රෝගී තත්ත්වයන් උත්සන්න වීම, අන්සතු දේපළට තදින් ආශා කිරීම, සොරකම් කොල්ලකෑම් ආදී අධාර්මික අප්රසිද්ධ ජීවිත ගතකිරීමට සිදුවීම, තමා සතු ධනය වස්තුව අහිමි වී යෑම, ලග්නයේ ශනි ගෝචර ගමනින් ගමන් කිරීමෙන් මෙවැනි දෑවලට ජන්මියාට මුහුණ පෑමට සිදුවන්නේ තමා කිසිසේත්ම නොසිතන නොපතන අයුරින්මය. ශරීර ශක්තිය යහපත් නොවීම, කලක සිට අසනීපයෙන් පෙළෙන අයෙකු නම් එකී අසනීප තත්ත්වයන් වැඩි වීම, පාදවල ආබාධ වැඩිවීම, ජල බිය, ගිනි බිය, සතුරු බිය ඇතිවීම, කරගෙන ආ කටයුතුවල ක්රමවත් බව ගිලිහී යෑම, තිබුණු ලැබුණු ආදායම් තත්ත්වය පහළ වැටීම, ආර්ථික අපහසුතා උත්සන්න වීම, රැකී රක්ෂා අහිමි වීම, සිටි තනතුරුවලින් පහළට වැටීම, වැඩ ප්රමාදය, තමාට අවශ්ය වේලාවට ප්රයෝජන නොලැබීම, යම් දෙයක් කිරීම හෝ කරගැනීමට කිහිප වතාවක් ඒ වෙනුවෙන් රස්තියාදු වී වැඩ ප්රමාද වීම, උත්සාහයේ තරමට ප්රතිඵල හීන වී යෑම, දක්ෂකමේ තරමට තමාට තැනක් නොලැබී යෑම, ක්රියාවේ ශ්රේෂ්ඨත්වය තිබූ පමණින් ඊට සරිලන පරිදි ප්රසිද්ධිය, ගෞරවය, නම්බුව, තත්ත්වය නොලැබී යෑම, අඹු-සැමි සබඳතා අක්රීය වීම, ආකර්ෂණය අඩුවීම, දෙදෙනා අතර මතභේද මත ගැටුම් වැඩි වීමද මෙහිදී දැකගත හැකිය.
මෙහිදී මා සඳහන් කළේ ජන්මියාගේ ලග්න රාශිය තුළ ගෝචර ගමනේදී සෙනසුරු උදාකිරීමට සමත් විපත් කරදරවලින් බිඳකි. නමුත් බිය විය යුත්තේ මෙකී කාරණා මේ ආකාරයෙන්ම සිදුවන්නේ නම් පමණි. මෙකී අශුභ ඵල අඩුවීම, වැඩිවීම, අහෝසි වී යෑම ආදියද සිදුවන්නේය. මෙහිදී පොදු කරුණු මත මෙන්ම ජන්ම කේන්ද්රයේ මෙකී තත්ත්වයන් වෙනස් වන අයුරුද මේ අතර පිහිටීමෙන් ඉහත කී අශුභ ඵල අවම වනු ඇත.
● මකර-කුම්භ-තුලා යන මෙයින් එක් රාශියක් ලග්නය වී ශනි එම ලග්නයේ ගමන් කරන කාලයේදී යටකී තද අපල ඇතිවීමට ඉඩ නොයෙදේ. නමුත් කරදර සහිතව ජීවිතය ගලා යෑමට ඉඩකඩ යෙදේ. ශුභ අශුභ මිශ්ර විපාක හිමිවේ.
● ජන්මියාගේ ලග්නය කුමක් වුවත් සෙනසුරු 1-3-5-9-10-11 යන භාවයක උත්පත්තියේ සිටියේ නම් ඔවුන්ටද සෙනසුරු ලග්නයේ ගෝචර වීම තදබල අපල උදා නොවන්නේය.
● ශනි ලග්නයේ දුර්වලව ගමන් කරන කාලයේදී කුජ 7 වැන්නේ ගමන් කරමින් සප්තම දෘෂ්ටි දෙන කාලවලදී කුජ-ශනි දෙදෙනාම ලග්නයේ ගමන් කරන කාලයේදී ඇතිවන ඵල විපාක මීට වඩා හාත්පසින්ම වෙනස් වී යන්නේය.
● ශනි ලග්නයේ ගමන් කරන විට යුරේනස්ගෙන් සම සප්තම දෘෂ්ටිය ලැබුවේ නම් බලාපොරොත්තු රහිත පවුල් භේද ඇතිවීම, සතුරු පීඩා, නඩුහබ ඇතිවිය හැකිය.
● ශනිට යුරේනස්ගේ ත්රිකෝණ දෘෂ්ටිය ලැබුණේ නම්, හදිසි උසස්වීම්, ලාභ ලැබෙන ගමන් යෙදීම, ඉගෙනීම් සඵලත්වය, දරුවන්ගේ දියුණුව, ස්ථාන මාරුවී කරදර අඩුවීම, කරන වැඩවල ශුභ ඵල අත්විඳීම සිදුවනු ඇත.
ලග්නයට ශනිගේ ගෝචරය මේ ආකාරයට බල දුබලතාවන් ඇතිකළද ඒ සඳහා නිවැරැදි ධර්මානුකූල ජීවිතයක් ගතකරන ජන්මියාට එම අහිතකර කිරණයන්ගේ චලනය පවා වෙනස් කරගත හැකිය.
නැවතත් මෙවන් හරවත් ලිපි පෙළකින් ඔබව දැනුවත් කිරීමට මා සූදානම්. එතෙක් ඔබට සියලු යහපත උදාවේවා.
ජ්යොතිර්වේදිනී පී.එම්. සංජීවී වසන්ති
(ජ්යොතිර් විද්යා ඩිප්ලෝමාධාරිනී / ජ්යොතිෂ ශිරෝමනී, ජ්යොතිෂ අවිශ්කාර් විශිෂ්ට ගෞරව සම්මානලාභිනී, සෙත්කවි ශාස්ත්ර විශාරද විශිෂ්ට ගෞරව සම්මානලාභිනී)
සංජීවී ජ්යොතිර් පියස
දුරකතන – 0777 130391
ලිපිනය – ජයශ්රී, අංක 101, විමුක්ති මාවත, තුන්වැනි පටුමග, තලංගම උතුර, බත්තරමුල්ල.
