සමගි ජන බලවේගයේ නායක, විපක්ෂ නායක සජිත් ප්රේමදාස මහතා සහ එක්සත් ජාතික පක්ෂයේ නායක රනිල් වික්රමසිංහ මහතා අතර සුවිශේෂ හමුවක් පසුගිය සෙනසුරාදා (13) දින කොළඹදී සිදුව තිබේ.Sri Lanka Latest News
කොළඹ කොල්ලුපිටියේ 5 වැනි පටුමගේ පිහිටි රනිල් වික්රමසිංහ මහතාගේ පෞද්ගලික නිවසේදී මෙම හමුව සිදුව ඇත.
පැය එකහමාරක පමණ කාලයක් පුරා පැවැත්වී ඇති මෙම සාකච්ඡාවේදී සමගි ජන බලවේගයත්, එක්සත් ජාතික පක්ෂයත් ඒකාබද්ධ කිරීම සම්බන්ධයෙන් දෙදෙනා අතර දීර්ඝව අදහස් හුවමාරු වී ඇති බවක් දැනගන්නට ඇත.
මෙම හමුවට පෙර දින රනිල් වික්රමසිංහ මහතාගේ නිවසේදීම සජබ සභාපති කබීර් හෂීම්, සජබ මහලේකම් රංජිත් මද්දුමබණ්ඩාර සහ ලකී ෆොන්සේකා යන මහත්වරුන් රනිල් වික්රමසිංහ මහතා හමුවී පැවැත්වූ සාකච්ඡාවක ප්රතිඵලයක් ලෙස සජිත් ප්රේමදාස මහතා හා රනිල් වික්රමසිංහ මහතා අතර හමුව සිදුව ඇති බව පැවැසේ.
