‘රාධන් පණ්ඩිත් වෙට්ටි්රවේල්’ යන නාමය මේ දිනවල ඉන්දියානු දේශපාලන ක්ෂේත්රයේ විශාල අවධානයක් දිනාගෙන තිබේ. ඊට හේතුව වන්නේ තමිල්නාඩු ප්රධාන අමාත්යවරයා බවට පත්වූ තලපති විජේගේ දේශපාලන ජයග්රහණය ඔහු කලින්ම අනාවැකි පළකළ බවට මේ වනවිට ඉන්දියානු මාධ්ය රැසක් වාර්තා කිරීමයි. ඊරෝඩ් ප්රදේශයෙන් පැමිණි වෙටි්රවෙල්, ‘රධාන් පණ්ඩිත්’ යන නාමයද එක් කරමින් ජ්යොතිෂය, සංඛ්යා ශාස්ත්රය සහ වාස්තු උපදේශන ක්ෂේත්රයේ දශක හතරකට අධික කාලයක් කටයුතු කළ අයකු ලෙස සැලකේ. මීට පෙර හිටපු තමිල්නාඩු මහ ඇමැතිනි ජයලලිතා සමගද ඔහු සම්බන්ධතා පැවැත්වූ බව ඉන්දියානු මාධ්ය වාර්තා කර ඇත. කෙසේ වෙතත්, ඔහුට විශාල ජනප්රියත්වයක් ලැබුණේ විජය දේශපාලනයට පිවිසීමෙන් පසුවය. විජයගේ ටී.වී.කේ. පක්ෂය ආරම්භ කළ අවස්ථාවේ සිටම රධාන් පණ්ඩිත් වෙටි්රවෙල් පක්ෂයේ නාමය, වර්ණ, දේශපාලන ගමන්මග සහ විජයගේ ජයග්රහණය පිළිබඳ උපදෙස් ලබාදුන් බවට වාර්තා පළවිය.Sri Lanka Latest News
විශේෂයෙන් 2025 වසරේදී පැවැති සම්මුඛ සාකච්ඡාවලදී ඔහු ප්රකාශ කර තිබුණේ ‘විජයගේ ජයග්රහණය සුනාමියක් මෙන් පැමිණෙනු ඇත’ යන්නයි. එමෙන්ම DMK සහ AIADMK වැනි දශක ගණනාවක් තිස්සේ තමිල්නාඩු දේශපාලනය පාලනය කළ ප්රධාන පක්ෂ දෙක බිඳවැටෙන බවත්, විජයගේ TVK පක්ෂය තරුණ ජනතාව, සිනමා රසිකයන් සහ මධ්යම පන්තියේ ඡන්ද එකතු කරමින් අලුත් දේශපාලන රැල්ලක් නිර්මාණය කරන බවත් ඔහු කියා තිබිණි. ‘විජය සාමාන්ය නළුවකු නොවෙයි. ඔහුගේ ග්රහ පිහිටීම් අනුව ජනතා ආකර්ෂණය අසාමාන්ය මට්ටමකට යයි’ යනුවෙන්ද ඔහු සඳහන් කර තිබූ බව ඉන්දියානු මාධ්ය පෙන්වා දෙයි. එමෙන්ම තමලග වෙටි්ර කසාගම් යන නාමය සංඛ්යා ශාස්ත්රයට අනුව ඉතා බලවත් දේශපාලන නාමයක් බවත්, එම නාමය දිගුකාලීන බලයක් ලබාදෙන බවත් ඔහු ප්රකාශ කර තිබිණි.
ඒ අවස්ථාවේ බොහෝ දේශපාලන විශ්ලේෂකයන් මෙම ප්රකාශ සැලකුවේ අතිශයෝක්තියක් ලෙසය. ඇතැම් දෙනා විජයගේ දේශපාලන ගමන සිනමා ජනප්රියත්වයෙන් ඔබ්බට නොයන බවද කියා සිටියහ. නමුත් 2026 තමිල්නාඩු මැතිවරණයේදී විජයගේ පක්ෂය අතිවිශාල ජනමතයක් ලබාගැනීමත් සමග රධාන් පණ්ඩිත්ගේ අනාවැකි යළිත් ප්රසිද්ධියට පත්විය. ඉන්දියානු මාධ්ය වාර්තා අනුව, විජය මහ ඇමැති ලෙස දිවුරුම් දීම සඳහා සුබ මුහුර්තයක් තෝරා දීමටද ඔහු සම්බන්ධ වී ඇති බව සඳහන් වේ. තවද විජයගේ ප්රධාන අමාත්ය කාර්යාලයේ විශේෂ කාර්යභාර නිලධාරී තනතුරකටද ඔහු පත්කර ඇති බවට වාර්තා පළවීමත් සමග මෙම කතාබහ තවත් උණුසුම් වී තිබේ.
කෙසේ වෙතත්, මෙම පත්කිරීම ඉන්දියාවේ විවේචනවලටද ලක්ව ඇත. දේශපාලන විචාරකයන් පවසන්නේ රාජ්ය පාලනය තුළ ජ්යොතිෂවේදීන්ට නිල භූමිකාවක් ලබාදීම ප්රශ්නකාරී බවයි. තවත් පිරිසක් පෙන්වා දෙන්නේ දේශපාලනය සහ ජ්යොතිෂය තමිල්නාඩු සංස්කෘතියේ දිගුකාලීනව එකට ගමන් කළ දෙයක් බවය. කෙසේ වෙතත්, රධාන් පණ්ඩිත් වෙටි්රවෙල් මේ වනවිට තමිල්නාඩු දේශපාලනයේ වඩාත් කතාබහට ලක්වන ජ්යොතිෂවේදියා බවට පත්ව සිටින අතර, ඔහුගේ අනාවැකි සැබෑවක් වූවාද නැතිනම් දේශපාලන රංගනයක කොටසක්ද යන්න පිළිබඳ විවාදය තවදුරටත් ඉදිරියට යමින් තිබේ.
