අනුර ජනාධිපති වූ විගස අනුරව හමුවෙන්න ආවේ මෙරට රුසියානු තානාපතිවරයාය. ඔහු අනුර හමුවෙන්න පැමිණ රුසියානු ජනාධිපති පුටින්ගේ විශේෂ පුද්ගලික ආරාධනාවක් අනුරට භාරදුන්නේය. එම ආරාධනාව නම් රුසියාවේ පැවැත්වෙන බි්රක්ස් සමුළුවට සහභාගි වන ලෙසය. රුසියාවට ජවිපෙ සමග සමීප සබඳතා තිබිණි. ඒ, ජවිපෙ ඇමෙරිකානු විරෝධී අධිරාජ්ය විරෝධී පක්ෂයක් ලෙස පෙනීසිටින නිසාය. රුසියාව ඒ අනුව අනුර බලයට පත්වීම දකින්න ඇත්තේ ඇමෙරිකානු විරෝධී, රුසියානු මිත්ර රටවල් අතරට තවත් රටක් එකතු වනු ඇතිය යන නිගමනයෙන්ය. අනුර ජනාධිපති වූ විගස පුටින් ආරාධනාව අනුරට යැව්වේ ඒ නිගමනය තුළ සිට විය යුතුය.Sri Lanka Latest News
එහෙත් අනුර පුටින්ගේ ආරාධනය පිළිගත්තේ නැත. ඔහු පුටින්ගේ ආරාධනය පිළිගෙන ඇමෙරිකාව තරහා කරගන්න අකැමැති වන්නට ඇත. ඒ වනවිට ලංකාවේ ඇමෙරිකානු තානාපතිනි ජූලි චන්ග් සමග අනුරගේ සමීප සබඳතාවක් තිබිණි.
එමෙන්ම අනුර බලයට එන විට මත්තල ගුවන් තොටුපළ රුසියා-ඉන්දියා ඒකාබද්ධ සමාගමකට දෙන්න රනිල්ගේ ආණ්ඩුව තීරණය කොට තිබිණි. රුසියාව ඇමෙරිකාව පනවා ඇති සම්බාධක නිසා මත්තල රුසියා-ඉන්දියා ඒකාබද්ධ සමාගමකට දීම අත්හිටුවන්න යැයි මෙරට ඇමෙරිකානු තානාපතිනි ජූලි චන්ග් රනිල්ගේ ආණ්ඩුවට බලපෑම් කළාය. එවක ගුවන් සේවා ඇමැති නිමල් සිරිපාල මෙය ප්රසිද්ධියේ ප්රකාශ කළ අතර, ඇමෙරිකාවේ බලපෑම්වලට ආණ්ඩුව යටත් වන්නේ නැතැයි ඔහු කීවේය. අනුර ජනාධිපති වූ පසු ඇමෙරිකානු බලපෑමට යටත් වෙමින් මත්තල රුසියා-ඉන්දියා සමාගමට දීමේ තීරණය හකුළා ගත්තේය. එයින් කෝපයට පත් රුසියානු තානාපතිවරයා ලංකාවේ ආයෝජන කරන්න ව්යාපෘති නැතැයිද ලංකාවේ ආයෝජන කරන්න වාතාවරණයක් නැතැයිද මාධ්ය හමුවකදී කීවේය.
ඉරාන යුද්ධයත් සමග ඇමෙරිකාව රුසියාවට පනවා තිබූ සම්බාධක ඉවත් කළේය. ඒ ඉන්දියාවට රුසියාවේ තෙල් ලබාගැනීමට පුළුවන් වන ලෙසය. තහනම ඉවත් කළ විගස විදේශ ඇමැති විජිත හේරත් මෙරට රුසියානු තානාපති හමුවී ලංකාවට අවශ්ය තෙල් මිලට ගැනීමට ඉල්ලීමක් කළේය. රුසියාව ඒ සම්බන්ධයෙන් සාකච්ඡා කිරීමට රුසියානු බලශක්ති ඇමැතිවරයාව සම්බන්ධ කර දුන්නත් තෙල්වලට ගෙවීම් කරන මුදල් ඒකකය සම්බන්ධ ප්රශ්නයක් මතුවී තිබේ.
එදා අනුර පුටින්ගේ ආරාධනය භාර නොගත්තේ මෙවැනි අර්බුදයක් එන බව නොදැන විය යුතුය. ඒ වෙලාවේ අනුර බි්රක්ස් සමුළුවට සහභාගි වී පුටින් සමග සබඳතා ශක්තිමත් කරගත්තා නම් මෙයට වඩා හොඳ ප්රතිචාරයක් රුසියාවෙන් ලබාගත හැකිව තිබිණි. රුසියාව හිතනවා ඇත්තේ මෙය තිත්තයාගේ වාරය කියා විය යුතුය.
