ලෝකයේ කලින් කලට එක්තරා අපූරු කතන්දර අපට අසන්නට ලැබෙයි. මෙම කතාවද සැබැවින්ම එවැන්නකි. එහෙත් මෙහි අතිශය සුවිශේෂත්වය වන්නේ එම පුවත අපට අසන්නට ලැබෙන්නේ වර්තමානයේ ඇතිවී තිබෙන ඇමෙරිකා-ඉරාන යුද්ධය පසුබිමේදීය. මුළුමහත් ලොවම මෙම කුරිරු යුද්ධයෙන් බැටකමින් සිටින මොහොතකදී සත්ය වශයෙන් මෙම කතාව එක්තරා අපූරු වටපිටාවක් මවාපායි. එලෙස රසවත් අපූරු චිත්රයක් මැවුණද එහි අභ්යන්තරය තුළින් පෙන්වා සිටින්නේ බියකරු හැඟීමකි. කුමක්ද මෙලෙස ඇසෙන ආන්දෝලනාත්මක කතාව? මෙයට දින කීපයකට පෙරදී අපට අසන්නට ලැබුණු මෙම වතගොත මේ වනවිට වත්මන් කුරිරු යුද්ධයේ බියකරු බව තවත් උත්සන්න කිරීමටද සමත්ව ඇත. අප සමාජයේදී එදිනෙදා භාවිත කරන දින දර්ශනයට අදාළව මෙම අපූරු කතාව ඇසෙයි. අපගේ මෙම දින දර්ශනය බොහෝ දුර්ලභ ලෙස කලින් කලට පුනරාවර්තනය වන අතර එය අහඹු සිදුවීමක් ලෙස සැලකිය හැකිය.Sri Lanka Latest News
මෙලෙස අපගේ ව්යවහාරික දින දර්ශනය මෙම මොහොතේදී පුනරාවර්තනය වීම මේ වනවිට බියකරු සන්දර්භයක් ඇතිකිරීමට සමත්ව තිබේ. අපගේ වත්මන් 2026 දින දර්ශනය පළමු ලෝක මහා යුද්ධය සිදුවූ 1914 දින දර්ශනයට සම්පූර්ණයෙන්ම සමාන වීම මෙම අපූරු කතාන්දරයයි. මෙම ගණිතමය අහඹු සිදුවීම තුළින් කියා සිටින්නේ 1914 වසර එනම් වර්ෂ 112 පෙරදී හරියටම පළමුවැනි ලෝක මහා යුද්ධය ආරම්භ වීමේ වතගොතයි. එසේනම් දැන් සිදුව ඇත්තේ කුමක්ද? ඉතිහාසය බියකරු සන්දර්භයක් ඇතිකර තිබේ. එනම් මේ වනවිට ලෝකයේ ආරම්භ වීමට යන්නේ ලෝක යුද්ධයක්ද? ඇමෙරිකාව-ඉරානය-ඊශ්රායලය එකට එක්ව එයට පෙර ගමන් තබා ඇති ආකාරය පෙනෙන්නට ඇත. යුද්ධයේ ආතතීන් මොහොතින් මොහොත උත්සන්න වන විටදී මෙම ‘දිනදර්ශන පුරාවෘත්තය’ තුළින් කාලවකවානු දෙකක සමානත්වය අපූරුවට පෙන්වා සිටියි. පසුගිය දිනවල මෙම 2026 සහ 1914 දින දර්ශනවල සමානත්වය විවිධ න්යායන් හා සමපේක්ෂණ හරහා අර්ථවත් කරන අයුරු දක්නට හැකි විය. එනම් විවිධ මාධ්ය ලේඛන සහ අන්තර්ජාල සංවාද හරහා මෙම අපූරු කාබන් පිටපත් කතාව ඇසෙන්නට විය. මේ නිසා සමාජය නොසන්සුන් කළ අතර, විශාල ආන්දෝලනයක්ද ඇතිකළේය. මෙම කතාව තවදුරටත් කියා සිටින්නේ කුමක්දැයි සොයා බලමු.
ඓතිහාසික වැදගත්කම
1914 ඓතිහාසික වැදගත්කම අවිවාදිතය. එම වසරේ ජුනි 28 වැන දින, ඔස්ටි්රයා-හංගේරියාවේ ආදිපාද ෆ්රාන්ස් ෆර්ඩිනන්ඩ් සරජේවෝහිදී ඝාතනය කරන ලදී. කලාපීය අර්බුදයක් ලෙස පැවැතිය හැකිව තිබූ දෙය ඉක්මනින් ගෝලීය ව්යසනයක් බවට පත් විය. මෙම ඝාතනය යුරෝපය පුරා දාම ප්රතික්රියා සහ යුද්ධ ප්රකාශ කිරීම් ඇති කළේය. සති කිහිපයක් ඇතුළත රටවල් ගැටුමට ඇදීගියේය. ඉන් පසුව සිදුවූයේ පළමු ලෝක යුද්ධයයි, එය වසර හතරකට ආසන්න කාලයක් පැවති කුරිරු යුද්ධයක් වන අතර එයට ලෝකයේ ප්රධාන බලවතුන් බොහෝ දෙනෙකු සම්බන්ධ විය. ඉතිහාසඥයන්ට අනුව, ගැටුමෙන් මිලියන 20ක් පමණ මියගියහ.
ගණනය කිරීම් අනුව, 1914 සහ 2026 යන දෙකම සමාන ව්යුහයන් බෙදාගනී, මන්ද ඒ දෙකම අධික වසරක් නොවන අතර දෙකම බ්රහස්පතින්දා දිනයක ආරම්භ වේ. මෙම පෙළගැස්මෙන් අදහස් වන්නේ සෑම සතියකම සෑම දිනයක්ම සතියේ එකම දිනයක වැටෙන බවයි. උදාහරණයක් ලෙස, 1914 ජනවාරි 01 සහ 2026 ජනවාරි 01 යන දෙකම බ්රහස්පතින්දා දිනයක වැටේ. දැන්, මෙය මුළු වසර පුරාම දිනයන් සහ සතිවල පරිපූර්ණ කැඩපතක් නිර්මාණය කරයි. ගණිතමය වශයෙන් කිවහොත්, එවැනි අහඹු සිදුවීම් ග්රෙගෝරියානු දින දර්ශනයේ වරින්වර සිදුවේ. නමුත් 1914 මානව ඉතිහාසයේ වඩාත්ම විනාශකාරී ගැටුම්වලින් එකකට ඉතා සමීපව බැඳී ඇති බැවින්, සමානකම භීතියට හේතුවී තිබේ.
කෙසේ වෙතත්, පසුගිය වසරේද එවැනිම දෙයක් සිදුවූ අතර, 2025 දින දර්ශනය 1941ට හරියටම සමාන බව මිනිසුන් දුටුවේය. දෙවැනි ලෝක යුද්ධය පැවති වර්ෂය. සමාජ මාධ්යවල වෛරස් වූ බොහෝ වීඩියෝ සහ සටහන් 2025 දින දර්ශනය 1941ට සමාන වන ආකාරය ගැන කතා කළේය. එනම්, සෑම දිනකම සතියේ එකම දිනයක වැටේ, සති අන්තයන් සමාන වේ. යූටියුබර්කරු කුල්දීප් සිංහානියා ද ඔහුගේ ඉන්ස්ටග්රෑම්හි වීඩියෝවක් උඩුගත කළ අතර, එහිදී ඔහු ඒ ගැන කතාකරනු දැකිය හැකිය. ඔහු ලිව්වේ, ‘ඉතිහාසය නැවත නැවතත් සිදුවෙමින් පවතී’ යනුවෙනි.
දැන්, ඉරානය සහ ඊශ්රායලය අතර පවතින සතුරුකම මෙම සංවාද සඳහා කේන්ද්රීය ලක්ෂ්යයක් බවට පත්ව ඇත. සමාජ මාධ්යවල වසර දෙකෙහිම දින දර්ශන පෙන්වන සටහන් කිහිපයක් වෛරල් වෙමින් පවතී. මෙම සටහන් ගෝලීය අර්බුදයක් ද පෙන්වා දෙයි. කෙසේ වෙතත්, විශේෂඥයන් මෙම ප්රකාශයන් ප්රවේශමෙන් සලකා බැලීමට උපදෙස් දෙයි. සමානකම තනිකරම ගණිතමය බව ඔවුන් අනතුරු අඟවයි. ග්රෙගෝරියානු දිනදර්ශන රටාව සමහර විට දිනයන් සහ සති හරියටම සමාන වන වසරවලට හේතු වේ. එබැවින්, විවිධ වසරවල එවැනි සමානකම් අසාමාන්ය ලෙස නොසැලකේ.
ප්රියන්ත හෙට්ටිගේ
